Juan 20:23 - Manobo Western Bukidnon

²³ Ne tenged kayi emun ebpeseyluwen niw is minsan hentei he nekesalà, ebpeseyluwen daan te Megbevayà, ne emun kenè niw ebpeseyluwen, kenà daan ebpeseyluwen te Megbevayà.”

Juan 20:23 Cross References

Mateo 16:19

Ne idsarig ku kenikew is kebayàbayà emun edhadì is Megbevayà he ziyà te langit. Ne kinahanglan he is idawey nu zini te kelibutan, indawey en he zaan te Megbevayà he ziyà te langit; ne is idtug̵ut nu zini te tanà, intug̵ut en he zaan te Megbevayà he ziyà te langit.”

Mateo 18:18

Ne egkeg̵iyen ku keniyu he kinahanglan he is idawey niw zini te tanà, indawey en he zaan te Megbevayà he ziyà te langit ne is idtug̵ut niw zini te tanà, intug̵ut en he zaan te Megbevayà he ziyà te langit.

Juan 20:22

Ne te nekag̵i zin heini midhiyupan din sikandan ne ke sikandin te, “Berakat he meulini kew te Wag̵as he Mulin-ulin.

Nengeulaula 10:43

Netagnà si Jesu Kristu te langun he ebpemeneuven dengan te Megbevayà ne migkag̵i zan he pinaag̵i te g̵ehem te ngazan din, is langun he edsarig kandin, ebpeseyluwen din sikandan te menge mezaat he ulaula zan.”

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

1 Kurintu 5:4

Kinahanglan he edtig̵um kew ne emun netig̵um kew en ne iring ded te zuma a keniyu su ziyan te keniyu is isip ku ne idsug̵ù ku keniyu he pinaag̵i te keg̵ehem he imbeg̵ey te Nengazen tew he si Jesus

Ipisu 2:20

Ne sikitew is menge tumutuu, iring kiw te valey he ibpehitindeg te Megbevayà diyà te vatu. Iyan si Kristu kes batu he edtukuzan kayi te valey. Is menge epustul wey ebpemeneuven te Megbevayà, ne iyan menge tukud. Ne iyan kew menge zuma he himan kayi te valey.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.