Juan 20:15 - Manobo Western Bukidnon

¹⁵ Ne migkeg̵iyan ni Jesus te, “Bayi, hengkey is idsineg̵ew nu? Hentei is ebpen-ahaan nu?” Ne kunaan ni Maria ke iyan sikandin sikan is ed-elima te menge pinemula zutun, umba migkag̵i te, “Mama, ke iyan ka migkuwa te lawa zin, keg̵iya nu ke hendei nu isavuk su egkuwaan ku.”

Juan 20:15 Cross References

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 28:5

Ne sikan is menge vahi, migkeg̵iyan sikandan dutun te velinsug̵uen te, “Kenè kew mahandek. Netuenan ku he ebpen-ahaan niw si Jesus, sikan is inransang te krus.

Marcos 16:6

Ne migkag̵i haazà is etew te, “Kenè kew mahandek. Ebpen-ahaan niw si Jesus he tigNeserit, sikan is inransang te krus, iyan, wazè en dini su nevanhew en. Ahaa niw man kayi te midsevukan kandin.”

Lucas 2:44

Kunaan dan ke zutun si Jesus te menge zuma zan te ebpenhipanew med-elupitpit. Ne hein sengeandew en is kedhipanew zan ne human dan meseg̵ipà he wazà dutun si Jesus, ne midsusi zan is menge kezuzumahi zan wey menge emig̵u zan ne neehè dan he wazà dutun iyan si Jesus. Ne zutun midlikù dan diyà te Hiruselim ne mibpengehè dan.

Lucas 24:5

Ne haazà is menge vahi, ne midluhud dan is edungul su utew zan nengehandek. Ne migkag̵i kandan haazà is menge maama te, “Maan is kayi niw ebpen-ahaa te edlevengan te minatey is etew he uuyag?

Juan 1:38

Midteren si Jesus ne midlilingey ne neehè din he eduma sikandan ne ke sikandin te, “Hengkey is tuyù niw?” Ne ke sikandan te, “Rabi,” he ke và dà egkeg̵iya, Menunudlù, “hendei ka ed-ubpà?”

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Juan 18:7

Ne mid-uman med-insà si Jesus te, “Hentei is ebpen-ahaan niw?” Ne midtavak dan med-uman te, “Si Jesus he tigNeserit.”

Juan 20:13

Ne mid-insaan dan si Maria te, “Bayi, hengkey is idsineg̵ew nu?” Ne ke si Maria te, “Migkuwa te etew is lawa te Nengazen, ne wazè ku metueni ke hendei zan uwita!”