Juan 20:14 - Manobo Western Bukidnon

¹⁴ Ne zutun midlilingey sikandin ne neehè din si Jesus is edhithitindeg dutun, iyan, wazè din mekilala si Jesus.

Juan 20:14 Cross References

Mateo 28:9

Ne netekewtekew zan te nesinug̵ung sikandan ni Jesus. Ne ke sikandin te, “Mebmelinawen kew.” Ne mid-uvey zan diyà te kandin. Ne mid-azap dan kandin is egawed te paa zin.

Marcos 16:12

Ne neiwas haazà mibpaahà si Jesus is nahalin is dagwey zin diyà te zezuwa he menge sumusundan din dutun te edhendiyà haazà is dezuwa te unayan.

Marcos 16:9

Ne te meselem pa utew zutun te andew he Duminggu hein nevanhew en si Jesus, midhuna sikandin mebpaahà diyà te ki Maria Megdelina, sikan is bahi he mibpeg̵uwaan din dengan te pitu he mezaat he mulin-ulin.

Lucas 24:16

Neehè dan sikandin, iyan, wazà mebpekilala kandan si Jesus.

Lucas 24:31

Ne zutun, human dan mekilala si Jesus su nemelmeleg̵an dan te ed-ahà. Iyan, netekew maawà dutun si Jesus diyà te ked-ehè dan.

Lucas 4:30

Iyan, nenelektelek dà si Jesus diyà te kandan ne mid-awà sikandin dutun.

Juan 21:4

Ne hein egkepawè en dutun, dutun si Jesus te veyvey. Naahà sikandin te menge sumusundan, iyan, wazè dan mekilala he iyan bes si Jesus.

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.