Juan 2:6 - Manobo Western Bukidnon

⁶ Sumalà te tuluuwen te menge Hudiyu, kinahanglan he zuen wahig he ibpenlùlù te kenè dan pa egkaan. Ne tenged kayi zuen neteg̵ana zutun he heenem he umuy he vatu. Egketeg̵uan is kada sevaha zutun te menge nenggatus he litru he wahig.

Juan 2:6 Cross References

Lucas 16:6

Ne midtavak haazà is mid-insaan te, ‘Nenggatus he lata te lana.’ Ne migkag̵i haazà is sulug̵uen te, ‘Heini zed is listahan te utang nu. Pinuu ka kayi ne is insurat nu kayi he utang nu ne ilisi nu te kelimahan dà he lata.’

Juan 2:7

Migkeg̵iyan ni Jesus is menge sulug̵uen te, “Penua niw heini te wahig.” Ne mibpemenù dan haazà is menge umuy taman te vivig.

Juan 3:25

Ne zutun duen menge sumusundan ni Juan he ebpekidlewanà te sevaha he etew he Hudiyu. Iyan edlewenaan dan is tuluuwen dan te menge Hudiyu te kebpemewtismu.

Ipisu 5:26

ne wey kiw mezawat te Megbevayà. Midhimu zin heini pinaag̵i te kedlumpiyuwi zin kenitew pinaag̵i te kebewtismu wey pinaag̵i te lalag din.

Hibriyuhanen 10:22

Ne tenged kayi, ed-etuvang ki en te Megbevayà, ne kenà tarù is ked-ezapa ta kandin. Edheg̵eten ta is kedtuu ta ne kenè ki eduwazuwa. Su netuenan ta he nepelisan ki en te lengesa ni Jesus ne netuenan ta zaan he in-awà kayi is menge salè ta. Nengebewtismuwan kiw en he tuus te kedlumpiyuwi kenitew te Megbevayà.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

Hibriyuhanen 9:19

Ne tenged kayi, hein aney ipenurù ni Moises diyà te langun he menge etew is langun he ibpetuman kandan te Megbevayà dutun te kesug̵uan, migkuwa zin is lengesa te menge nati he vaka he impemuhat, ne mid-emutan din te wahig. Midhames din dutun is bulvul te kerehidu he midtinà te merig̵à wey is subpang te kayu he egngezanan te hisup. Ne mibpirikan din dutun is libru he zutun isurat is kesug̵uan wey mibpirikan din daan is langun he menge etew.