Juan 2:19 - Manobo Western Bukidnon

¹⁹ Ne midtavak si Jesus te, “Rundusa niw heini is baley te Megbevayà ne seled te tetelu he andew egkevangun ku en maan!”

Juan 2:19 Cross References

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 27:40

Ke sikandan te, “Na! Kunaan nu ke egkeg̵evè nu sikan is simbahan he Valey te Megbevayà ne egkevangun nu te seled te tetelu he andew. Libriya nu kun is keugelingen nu. Emun tutuu ka he Anak te Megbevayà, penaug ka keniyan te krus.”

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Marcos 14:58

ke sikandan te, “Nezineg dey heeyan he etew he egkag̵i te, ‘Edrundusen ku heini is simbahan he Valey te Megbevayà he vineelan te etew ne seled te tetelu he andew ebpekevangun ad te veg̵u he kenà bineelan te etew,’ ” ke sikandan.

Marcos 15:29

Ne is menge etew he sumeseg̵azà dutun, ebpemenangàtangà is ed-engitan dan si Jesus, ke sikandan te, “Na! Kunaan nu ke egkeg̵evè nu sikan is simbahan he Valey te Megbevayà ne egkevangun nu te seled te tetelu he andew!

Marcos 8:31

Ne zutun impesavut ni Jesus te menge sumusundan din is imbanglis kandin. Ke sikandin te, “Siak is Kakey te Menusiyà, mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Juan 5:19

Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.

Nengeulaula 2:24

Iyan, midlibri si Jesus te Megbevayà ne mibanhew zin su kenà egkehimu he egkevakus si Jesus te kemetayen.

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Nengeulaula 3:26

Umba,” ke si Pedro, “hein midsug̵ù te Megbevayà is sulug̵uen din he si Jesus, impehuna zin ipehendini te kenitew te menge Hudiyu su wey kiw zin metevangi pinaag̵i te kebpeengkezi zin kenitew te memezaat he ulaula tew.”

Nengeulaula 6:14

Su nezineg dey sikandin is egkag̵i he is simbahan tew he Valey te Megbevayà, edrundusen ni Jesus he tigNeserit ne ed-ilisan daan ni Jesus is langun he menge vetasan tew he imbilinbilin kenitew zengan ni Moises.”

Ruma 4:24

kekenà, tenged daan kenitew wey tew mesavut he ragkes kiw zaan dutun. Sikitew, ed-isipen kiw zaan te Megbevayà he metazeng emun edtuuwan tew sikandin. Iyan sikandin sikan is mibanhew ki Jesus he Nengazen tew.

Ruma 6:4

Su pinaag̵i te kebewtismuwi kenita tenged te elili ta si Jesus, nehimu he iring te iyan ki minatey wey inleveng duma kandin. Ne nehimu heini su wey meveg̵ayi ki te veg̵u he untung iring te mibanhew si Kristu pinaag̵i te g̵ehem te Amey tew he Megbevayà.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

Kulusas 2:12

Ne tenged kayi inleveng kew zuma kandin dutun te kebewtismuwi keniyu, ne nevanhew kew zaan duma kandin su nekidsevaha kew kandin tenged te midtuuwan niw he mekeg̵eg̵ehem is Megbevayà. Iyan sikandin sikan is mibanhew ki Kristu.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin