Juan 2:16 - Manobo Western Bukidnon

¹⁶ Ne migkeg̵iyan din is ebpemelegyà te merepatik te, “Iawè niw heeyan! Kenè niw himuwa he tiyenggiyan heini is Baley te Amey ku he Megbevayà.”

Juan 2:16 Cross References

Mateo 21:12

Ne midseled si Jesus diyà te Valey te Megbevayà ne mibpenegseg din dutun is menge limbungan he etew zutun he ebpememelegyà wey ebpememasa. Mibpemiley zin is menge lemisahan te ebpemenliwà te menge selapì wey is menge pinuuwà te menge ebpememelegyà te ibpemuhat he merepatik.

Mateo 21:13

Migkag̵i sikandin diyà te kandan te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan.’ Ne sikiyu,” ke si Jesus, “nasì niw veeli he ubpeey te ebpemenlimbung.”

Mateo 22:5

Iyan, henduen be te wazà mekezineg haazà is menge etew. Wazè dan iniyug̵i is menge vaal zan. Is sevaha, ne ziyà te pemuleey zin ne is sevaha, ne ziyà te tindahan din.

Marcos 11:17

Ne mibpenurù din is menge etew zutun, ke sikandin te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan te langun he menge etew ziyà te minsan hendei he ginhedian.’ Ne sikiyù,” ke si Jesus, “nasì niw veeli he ubpeey te ebpemenlimbung.”

Lucas 2:49

Ne midtavak si Jesus te, “Maan is ebpen-ahaan a keniyu? Wazè niw ve metueni he kinahanglan he zini a te valey te Amey ku?”

Juan 10:29

Is Amey ku he Megbevayà he lavew te langun, imbeg̵ey zin sikandan kediey, ne wazà minsan hentei he ebpekeag̵ew kandan diyà te kandin.

Juan 2:15

Ne mibaal sikandin te letigu he pisì ne mid-avug din pehendiyà te g̵awas dutun te Valey te Megbevayà is menge vaka wey kerehidu. Ne mibpemiley zin is menge lemisahan te ebpemenliwà te selapì, ne is selapì dan, mid-ulaan din.

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Juan 5:17

Iyan, duen ketezengan ni Jesus, ke sikandin te, “Is Amey ku he Megbevayà, kenà sikandin edhimeley he ebaal, ne siak, ebpenigudu a zaan ebaal.”

Juan 8:49

Ne midtavak daan si Jesus te, “Wazà a suuki. Emun ebentug̵en ku is Amey ku he Megbevayà, maan is edsulaan a keniyu?

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.