Juan 19:9 - Manobo Western Bukidnon

⁹ ne midseled en maan sikandin dutun te turug̵an ne ke sikandin diyà te ki Jesus te, “Hendei ka ebpuun?” Ne wazà dutun medtavak si Jesus.

Juan 19:9 Cross References

Mateo 26:63

Ne wazà medtavak si Jesus. Ne mid-uman megkag̵i haazà is lavew he memumuhat te, “Tangdù ka su kayi ka te etuvangan te Megbevayà he wazè din kemetayen. Emun iyan ka sikan is Anak te Megbevayà, sikan is mibpilì din he ibpahadì, keg̵iya nu,” ke sikandin.

Mateo 27:27

Ne zutun impeseled si Jesus te menge sundaru zutun te turug̵an te gubirnedur. Ne netig̵um diyà te kandin is tivuuk he kumpeniya te menge sundaru.

Lucas 23:9

Ne zutun mezakel is menge insà ni Hirudis ki Jesus, iyan, wazà si Jesus medtavak.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Juan 18:33

Ne midseled si Pilatu zutun te turug̵an ne mid-umew zin si Jesus. Ne migkag̵i si Pilatu te, “Hadì ke ve te menge Hudiyu?”

Juan 18:34

Ne midtavak si Jesus te, “Kenikew zè be he isip heini is insè nu ke hadì a wey ke ziyè be ebpuun heini te selakew en he etew?”

Juan 18:37

Ne migkag̵i si Pilatu te, “Hadì ke ves?” Ne midtavak si Jesus te, “Tutuu heeyan is nekag̵i nu su hadì a. Umba midhendini a te kelibutan. Umba neetew a zini te lumpad. Midhendini a su wey ku ikepesavut ke hengkey is tutuu he tuluuwen. Is langun he menge etew he egkesuatan dan he metueni zan is tutuu he tuluuwen, ebpemineg dan kediey.”

Juan 19:10

Ne mid-uman megkag̵i si Pilatu te, “Maan is kenè ka egkag̵i? Wazè nu ve metueni he zekelà is keg̵ehem ku; igkepaawè ku sikew ne egkehimu zaan he idsug̵ù ku he iransang ka te krus?”

Juan 19:8

Ne te kegkezineg̵a ni Pilatu kayi, mid-iseg is kegkehandek din,

Juan 8:14

Ne midtavak si Jesus te, “Minsan ke iyan a ebpenistig̵us te keugelingen ku, egkeserig̵an is kebpenistig̵us ku su netuenan ku ke hendei a ebpuun wey ke hendei a ebpevayà. Iyan, sikiyu, kenè niw egketuenan ke hendei a ebpuun wey ke hendei a ebpevayà.

Pilipus 1:28

Ne egketudtulan a zaan he kenè kew egkehandek te menge kuntada niw. Su emun kenè kew egkehandek kandan egkesavut dan he iyan sikandan edsilutan ne iyan kew ebeg̵ayan te untung he wazè din pidtemanan su ibpesavut kandan heini te Megbevayà.