Juan 19:30 - Manobo Western Bukidnon

³⁰ Ne hein nesupsup ni Jesus haazà, migkag̵i te, “Nepasad ku en is langun.” Ne midungul ne zutun minatey.

Juan 19:30 Cross References

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Mateo 27:50

Ne zutun, migkulahì si Jesus med-uman ne naawà is gehinawa zin.

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Marcos 15:37

Ne zutun ingkulahì ni Jesus is utew mezaging he lalag ne nevidtawan ne minatey.

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Juan 10:11

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Juan 10:18

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

Juan 17:4

Dini te kelibutan, impeehè ku is utew zekelà he bentug̵an nu su is menge vaal he insug̵ù nu kediey, nepasad ku en.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Ruma 10:4

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.

Ruma 3:25

Midsug̵ù sikandin te Megbevayà wey mehimu sikandin he pemuhat he elili kenitew, ne tenged te kegkepelisi kenitew te lengesa zin ebpeseyluwen te Megbevayà is menge salè tew emun edtuuwan tew sikandin. Midhimu heini te Megbevayà su wey tew mesavut he metazeng is hukum din, minsan pa zengan tenged te meinentusen sikandin, wazè din dè pa siluti is menge etew tenged te menge salè dan.

1 Kurintu 5:7

Is mezaat he ulaula, ne iring te tapey su ke ed-ulaula is sevaha te mezaat egkeuwit din daan is mezakel he menge zuma zin. Kinahanglan he iawè niw ziyan te keniyu is daan he tapey su wey wazà mezaat diyan te keniyu. Emun edtumanen niw heini ne egkeiringan niw is beg̵u en he supas he wazè din tapey. Netuenan ku he zaan kew en he iring kayi tenged te kedtuu niw ki Kristu. Su si Kristu, iring sikandin te nati he kerehidu he ibpemuhat emun Pista te Kedlevayi su impemuhat en sikandin wey kiw melibri.

Pilipus 2:8

Ne zutun te etew en sikandin wazà sikandin mebpelavew, kekenà, mibpezumazuma sikandin te menge sug̵ù kandin te Amey zin he Megbevayà minsan pa te pinaag̵i kayi inransang sikandin te krus ne zutun mibpatey.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Hibriyuhanen 9:22

Impenurù te kesug̵uan he kinahanglan he ebpelisan te lengesa is hapit minsan hengkey he egemiten dan te ked-azap. Ne iring din ded daan wey zà egkepesaylu is menge salà te menge etew ke zuen ibpelengesa.