Juan 19:26 - Manobo Western Bukidnon

²⁶ Ne hein naahà ni Jesus is iney zin wey sikan is sumusundan he mahal ziyà te g̵ehinawa ni Jesus, migkeg̵iyan din is iney zin te, “Inà, iyan en heeyan anak nu.”

Juan 19:26 Cross References

Juan 13:23

Ne zutun te zurug ni Jesus kes sumusundan din he pinedtayè din utew.

Juan 2:4

Ne ke si Jesus te, “Inà, kenè ka kedì mebayàbayà su wazè pa metuman is hustu he timpu te kebpaahaa ku te g̵ehem ku zini te menge etew.”

Juan 20:2

Ne tenged dutun, mibpelelag̵uy ne midhendiyà te ki Simon Pedro wey zuen te sevaha he sumusundan, sikan is mahal ziyà te g̵ehinawa ni Jesus. Ne migkeg̵iyan sikandan ni Maria te, “Is Nengazen tew he si Jesus, in-awè dan duen te midlevengan kandin ne wazè dey metueni ke hendei zan uwita.”

Juan 21:20

Ne zutun midlilingey si Pedro ne neehè din he edtinundug kandan sikan is sumusundan he pinedtayà ni Jesus. Iyan sikandin sikan is dutun te kedlavung dan te wazè pa mebpatey si Jesus, diyà sikandin te zurug ni Jesus. Iyan daan kes mid-insà ki Jesus te, “Hentei kenami is ed-akal kenikew?”

Juan 21:24

Iyan a haazà is sumusundan he egkeg̵iyen din; iyan a ebpenistig̵us he tutuu heini is langun; iyan a midsurat kayi te langun ne netuenan dey he tutuu heini is insurat ku.

Juan 21:7

Ne sikan is sumusundan he mahal ziyà te g̵ehinawa ni Jesus, migkag̵i sikandin diyà te ki Pedro te, “Iyan heeyan sikan is Nengazen tew.” Ne hein netuenan ni Pedro he iyan si Jesus haazà, insun-ud din is kumbalè din he midluwas din, ne mid-umpak diyà te wahig, ne midhendiyà te veyvey.