Juan 19:25 - Manobo Western Bukidnon

²⁵ Ne zutun te uvey te krus ni Jesus, edhithitindeg is iney zin ne zutun daan sikan is suled he vahi te iney ni Jesus, wey si Maria kes esawa ni Kelupas, wey elin daan si Maria Megdelina.

Juan 19:25 Cross References

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Marcos 16:9

Ne te meselem pa utew zutun te andew he Duminggu hein nevanhew en si Jesus, midhuna sikandin mebpaahà diyà te ki Maria Megdelina, sikan is bahi he mibpeg̵uwaan din dengan te pitu he mezaat he mulin-ulin.

Lucas 2:35

ne pinaag̵i kandin egketuusan is menge mezaat he isip dan. Ne sikew is iney zin, tenged te egkuntedahan sikandin te mezakel, utew ebmesakit is gehinawa nu keuzemà.” Iyan heini migkag̵i kandin ni Simeon.

Lucas 23:49

Ne is langun he menge emig̵u ni Jesus, ragkes is menge vahi he nemendumazuma kandin he ebpemuun te Geliliya, ne ziyè dan te malù meziyù is ebantey zutun te langun he neulaula.

Lucas 24:18

Ne midtavak is sevaha zutun he egngezanan ki Keliyupas, ke sikandin te, “Iyan ke zà buwa etew he nekehengkayi te inged he Hiruselim he wazà metau kayi te veg̵u pa he nehitavù.”

Lucas 8:2

Ne zuen daan menge vahi zutun he eduzumazuma kandin. Ne heini he menge vahi, neulian din dengan te menge zaru wey is duma kandan ne mibpeg̵uwaan din te menge mezaat he mulin-ulin he edlalung kandan. Is sevaha zutun te menge vahi ne si Maria Megdelina, sikan is mibpeg̵uwaan ni Jesus te pitu he menge mezaat he mulin-ulin.

Juan 20:1

Ne zutun te egkerkeriwaswas en te andew he Duminggu, midhendutun te surung he penlevengà si Maria Megdelina te kemulu pa merusirem. Neehè din he naawà kes batu he inlekeb dutun te g̵emawan te surung.