Juan 19:20 - Manobo Western Bukidnon

²⁰ Mezakel he menge Hudiyu is nemekevasa zutun su uvey te inged he Hiruselim haazà is midrensangan ki Jesus. Tetelu he kineg̵iyan is kedsurata zutun: Linatin, kineg̵iyan he Gerisyahanen, wey kineg̵iyan he Hibriyuhanen.

Juan 19:20 Cross References

Lucas 23:38

Ne impezeket dan is surat te zivavew zin diyà te krus he edhenduen haazà is surat te, “Iyan heini sikan is Hadì te menge Hudiyu.”

Juan 19:13

Ne zutun te nezineg haazà ni Pilatu, impelawang din si Jesus ne mibpinuu zutun te pinuuwè din te hukmanan, kes migngezanan dan te Gebata te kineg̵iyan he Hibriyuhanen, ne ke và dà kenitew, midseeg̵an te vatu.

Juan 19:42

Ne g̵eina te egkezeg̵usu zan su iyan haazà andew te kedteg̵ana te pista, wey g̵eina te uvey zà daan dutun te midrensangan ki Jesus, ne zutun dan isavuk haazà is lawa zin.

Juan 5:2

Ne ziyà te Hiruselim duen linew uvey te idselang te kutà he egngezanan te Idselang te Menge Ayam he Kerehidu. Ne ziyà te kilid dutun te linew, duen lelima he helungà. Ne haazà is linew, egngezanan te Bitsata te kineg̵iyan he Hibriyuhanen.

Nengeulaula 21:37

Ne zutun te edseled dan en te kutà, migkag̵i si Pablo ziyà te kepitan ke sikandin te, “Egkehimu ve ke zuen lalag ku kenikew?” Ne migkag̵i haazà is kepitan te, “Metau ke ves te kineg̵iyan he Gerisyahanen?

Nengeulaula 21:40

Ne midtug̵utan din, ne si Pablo, midhitindeg dutun te heg̵ezan, ne imbayew zin is belad din he tuus te zuen egkeg̵iyen din dutun te menge etew, ne hein mid-engked is keg̵urub dan, migkag̵i si Pablo te kineg̵iyan he Hibriyuhanen.

Nengeulaula 22:2

Ne hein nezineg dan he Hinibriyuhanen is kegkag̵i zin, ne mibpurung dan mebpemineg. Ne ke si Pablo te,

Nengeulaula 26:14

Ne sikami is langun, nepiley key ne nezineg ku is egkag̵i te kineg̵iyan he Hibriyuhanen te, ‘He Seulu, maan is ebpesipelahan a kenikew? Edlised ka su wazà pulus te kedsukul nu kediey.’

Hibriyuhanen 13:12

Iring din ded daan is neulaula ki Jesus su midhimetayan sikandin diyà te g̵awas te inged ne nehimu is lengesa zin he ibpalis te menge salè tew te menusiyà.

Impezayag 9:11

Duen hadì he ebayàbayà kandan, iyan sikan is belinsug̵uen he mibpuwas duen te vitu he wazà pidtemanan is kezalem din. Ne ziyà te kineg̵iyan he Hibriyuhanen iyan ngazan din si Ebedun, ne ziyà te Gerisyahanen, si Epeliyun, he ke và dà egkeg̵iya, sikan is ebpekezezaat.