Juan 17:21 - Manobo Western Bukidnon

²¹ Amà, idhangyù ku sikandan pudu wey mesevaha zà is isip dan iring te kegkesevaha ta. Dini ka te kedì ne ziyan a zaan te kenikew. Edhengyuen ku zaan he mesevaha sikandan dini te kenita su wey meketuu is menusiyà he midsug̵ù a kenikew.

Juan 17:21 Cross References

Marcos 3:24

Penenglitan ke zuen hadì ne ebpetebtebekà is menge sakup din, meg̵aan egkeawà is gehem din te kedhadì.

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 10:30

Sevaha key zà, siak wey is Amey ku he Megbevayà.”

Juan 10:38

Ne emun iyan ebeelan ku is ebeelan daan te Amey ku, minsan ke kenè kew edtuu te menge lalag ku, tuu kew te ibpesavut te menge vaal ku su wey niw metueni he sevaha key zà, siak wey is Amey ku, su zini sikandin te kedì ne ziyà a zaan te kandin.”

Juan 11:42

Netuenan ku he layun ka ebpemineg te egkeg̵iyen ku, iyan, tenged te menge etew kayi te uvey ku ed-ampù a kenikew g̵untaan wey zan meketuu he midsug̵ù a kenikew zini te kelibutan.”

Juan 13:32

Ne emun pinaag̵i kedì egkeahà guntaan is dekelà he g̵ehem te Amey ku he Megbevayà, kenà utew egkeug̵et ne ibpeehè din daan is kediey he dekelà he g̵ehem.

Juan 13:35

Emun ed-ul-ulahan niw heini, egkeahà te langun he menge etew he menge sumusundan ku sikiyu.”

Juan 17:11

Ne g̵untaan ed-ulì ad diyan te kenikew ne kenè e en ed-ubpà dini te kelibutan, iyan, heini is menge etew he g̵aked ta, dini zan pa te kelibutan. Wag̵as he Amey ku, pinaag̵i te g̵ehem te ngazan nu, ipata nu heini is menge imbeg̵ey nu kediey he etew su wey mesevaha sikandan iring te sevaha ki zà.

Juan 17:18

Iring te midsug̵ù a kenikew zini te kelibutan, edsug̵uen ku zaan sikandan wey zan ikepesavut is tivuuk he menusiyà.

Juan 17:20

Edhengyuan ku sikew kenà tenged dà kayi te menge g̵aked ta g̵untaan, kekenà, tenged daan te langun he edtuu kediey keuzemà pinaag̵i te kedwali zan.

Juan 17:25

Wag̵as he Amey ku, is menge etew zini te kelibutan he kuntada nu, wazè dan mesavut ke hentei ka, iyan, siak, nesavut ku; ne heini is menge etew he g̵aked ta, nesavut dan he midsug̵ù a kenikew zini.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

Juan 17:8

su is impepenurù nu kediey, impenurù ku en kandan ne netuenan dan he tutuu iyan he ziyan a ebpuun te kenikew. Ne midtuu zan he midsug̵ù a kenikew.

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 4:32

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen.

Ruma 12:5

Ne iring din ded daan, sikitew is menge tumutuu ki Kristu, ne nehimu kiw he iring te lawa zin, ne iyan kiw menge parti zutun. Neubpu is kada sevaha he parti te menge zuma zin he parti.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

1 Kurintu 12:12

Ne minsan pa te kenà ed-iiring-iring is ketau he imbeg̵ey kenitew te kada sevaha, nesevaha kiw g̵ihapun su iring kiw te sevaha zà he lawa ni Kristu he mezakel is menge parti zin.

1 Kurintu 6:17

Iyan, is etew he ebpekidsevaha te Nengazen tew he si Jesus, egkesevaha is gehinawa zin wey is gehinawa ni Jesus.

Gelasya 3:28

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

1 Juan 1:3

Edtudtulen ku en keniyu haazà is neehè dey wey nezineg dey ziyà te kandin su wey kew mebpekid-upakat kenami su nekid-upakat key zaan te Amey tew he Megbevayà wey te Anak din he si Jesu Kristu.

1 Juan 5:7

Tetelu is ebpenistig̵us mehitenged ki Jesu Kristu.