Juan 17:20 - Manobo Western Bukidnon

²⁰ Edhengyuan ku sikew kenà tenged dà kayi te menge g̵aked ta g̵untaan, kekenà, tenged daan te langun he edtuu kediey keuzemà pinaag̵i te kedwali zan.

Juan 17:20 Cross References

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 17:19

Ne tenged kandan ibpeveyveyaan ku kenikew is gehinawa ku su wey zan daan ikepurung ikepeveyveyai kenikew is gehinawa zan.

Juan 17:21

Amà, idhangyù ku sikandan pudu wey mesevaha zà is isip dan iring te kegkesevaha ta. Dini ka te kedì ne ziyan a zaan te kenikew. Edhengyuen ku zaan he mesevaha sikandan dini te kenita su wey meketuu is menusiyà he midsug̵ù a kenikew.

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 4:4

Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.

Ruma 16:26

Ne haazà is tuluuwen he in-eles dengan, impezayag en te Megbevayà pinaag̵i te menge surat dengan te menge ebpeneuven din. Ne g̵eina te iyan sug̵ù te wazè din kemetayen he Megbevayà, idsangyew en heini is tuluuwen diyà te menge etew ziyà te minsan hendei su wey meketuu is langun ne ebpeketuman te menge sug̵ù din.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.