Juan 17:13 - Manobo Western Bukidnon

¹³ Ne g̵untaan ed-ulì ad diyan te kenikew ne edhengyuen ku kenikew heini te kemulu e pa zini te kelibutan su wey mepurung sikandan mengelipey te kediey he kelipey.

Juan 17:13 Cross References

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Juan 15:11

Umba migkag̵i ku keniyu heini is langun su wey niw ikelipey is kediey he kelipey ne wey kew utew melipey.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 17:11

Ne g̵untaan ed-ulì ad diyan te kenikew ne kenè e en ed-ubpà dini te kelibutan, iyan, heini is menge etew he g̵aked ta, dini zan pa te kelibutan. Wag̵as he Amey ku, pinaag̵i te g̵ehem te ngazan nu, ipata nu heini is menge imbeg̵ey nu kediey he etew su wey mesevaha sikandan iring te sevaha ki zà.

Juan 3:29

Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

Juan 7:33

Ne migkag̵i si Jesus te, “Kenè en utew egkeug̵et ne ed-ewaan ku sikiyu su ed-ulì a ziyà te Megbevayà he midsug̵ù kedì.

Nengeulaula 13:52

Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

1 Juan 1:4

Ne tenged dutun ebpesuratan ku sikiyu te iring kayi su wey meheg̵et is kelipey tew.

2 Juan 1:12

Mezakel pezem is egkeg̵iyen ku keniyu, iyan, kenè ku egkesuatan te edsurat. Egkesuatan ku he ebpenumbaley a ziyan wey kiw mekedlelalag ne wey meheg̵et is kelipey tew.