Juan 16:22 - Manobo Western Bukidnon

²² Iring din ded daan, egkeseeng kew g̵untaan, iyan, dutun te kebpeked-uman tew kebpeked-aahà, utew kew zutun egkelipey, ne wazà minsan hentei he egkeawè din is kelipey niw.

Juan 16:22 Cross References

Mateo 28:8

Ne zutun, migaanggaan haazà is menge vahi med-awà dutun te surung. Nengehandek dan, iyan, nepenù is gehinawa zan te kelipey. Ne ebpelelag̵uy zan su ibpenudtul zan diyà te menge sumusundan he zuma.

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Lucas 16:25

Iyan, midtavak ni Abraham haazà is mid-umew te, ‘Apù, tentenuzi nu he hein uuyag ke pa, ne mid-em-eminan nu en is kedlipeylipey nu. Iyan, si Lazaro mulà, ne neem-eminan din en is kemeresayan. Ne g̵untaan, si Lazaro, edlipayen; ne sikew, edresayen.

Lucas 19:26

Ne midtavak haazà is hadì te, ‘Benar is egkeg̵iyen ku keniyu he sikan is egkeserig̵an te insarig kandin, ed-umanan pa. Iyan, sikan is kenà egkeserig̵an, edhewien pa ziyà te kandin minsan is deisek he insarig kandin.’

Lucas 24:41

Ne g̵eina te kemulu zan pa eduwazuwa, asal, utew zan nengeg̵alew, mid-insà si Jesus te, “Duen be egkeenen niw kayi?”

Juan 14:1

“Kenà mebmesakit is gehinawa niw,” ke si Jesus, “kekenà, sarig kew te Megbevayà ne sarig kew zaan kediey.

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Juan 16:16

Nesipeg̵an en is timpu he kenà ad keniyu egkeahà ne kenà daan utew egkeug̵et dutun ne egkeahà a keniyu egkeuman.”

Juan 16:20

Utew venar is egkeg̵iyen ku keniyu he is menge kuntada ku, igkelipey zan utew is egkehitavù kedi, iyan, sikiyu, ebpekesineg̵ew kew su egkeseeng kew. Iyan, egkeilisan is kegkeseeng niw te zekelà he kelipey.

Juan 16:6

kekenà, utew kew egkengeseeng tenged te migkag̵i ku keniyu is egkengeantus niw he kemeresayan keuzemà.

Juan 21:7

Ne sikan is sumusundan he mahal ziyà te g̵ehinawa ni Jesus, migkag̵i sikandin diyà te ki Pedro te, “Iyan heeyan sikan is Nengazen tew.” Ne hein netuenan ni Pedro he iyan si Jesus haazà, insun-ud din is kumbalè din he midluwas din, ne mid-umpak diyà te wahig, ne midhendiyà te veyvey.

Juan 4:14

iyan, ke zuen ed-inum te wahig he ibeg̵ey ku kandin kenè en maan sikandin egkemezahan te minsan keenu. Su is wahig he ibeg̵ey ku kandin, egkehimu ziyà te kandin he ulu te wahig he ebpekeveg̵ey kandin te untung he wazà pidtemanan.”

Nengeulaula 13:52

Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Nengeulaula 16:25

Ne hein metaneb en is kezukileman, mid-ampù si Pablo wey si Silas wey migkanta zan is edalig te Megbevayà, ne ebpememineg kandan is menge zuma zan he pirisu.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

Hibriyuhanen 10:34

Ne nehizuwan niw, ne midtevangan niw is menge tumutuu he nengepirisu. Ne minsan pa te mibpen-ileg te menge etew is langun he menge azen niw, midlipey kew gihapun su netuenan niw he zuen azen niw he utew pa meupiya ziyà te langit he kenà egkeileg diyà te keniyu te wazè din pidtemanan.

Hibriyuhanen 6:18

Ne zuen dezuwa he ulaula te Megbevayà he kenà egkehalin te minsan hentei. Is sevaha, ne iyan is penaad din, ne is sevaha, ne iyan is kedlig-eni zin te penaad din. Ne pinaag̵i kayi te zezuwa egkesavut ta he kenà egkehimu he kenè din edtumanen is penaad din. Ne tenged kayi, sikitew is nemekeaput diyà te kandin, utew meheg̵et is kedsarig tew kandin ne tenged kayi edhemenan tew is kebpeebuta tew te langun he meupiya he impenaad din kenitew.

1 Pedro 1:8

Utew mahal sikandin diyan te g̵ehinawa niw minsan wazè niw pa maahà. Ne edsarig kew kandin minsan pa te kenè niw en sikandin egkeahà guntaan. Ne utew man dekelà is kelipey niw he kenà igkeseysey