Juan 16:12 - Manobo Western Bukidnon

¹² Mezakel pa is egkeg̵iyen ku pezem keniyu, iyan, kenè niw pa egkesavut.

Juan 16:12 Cross References

Marcos 4:33

Pinaag̵i te mezakel he menge sempità impesavut ni Jesus is Lalag te Megbevayà diyà te kandan sumalà is netuenan din he egkesavut dan.

Juan 14:30

Mevavè dà utew is menge lalag ku keniyu su meg̵aan en ebpekeuma si Setanas is egalen te menge etew zini te kelibutan he kuntada ku. Wazè din keg̵ehem kediey,

Juan 15:15

Kenè ku en maan sikiyu egngezanan te menge sulug̵uen ku su is sulug̵uen, kenà egkeg̵iyan te egalen din ke hengkey is ebeelan te egalen din. Egngezanan ku sikiyu he menge emig̵u ku su is langun he impesavut kediey te Amey ku he Megbevayà, impesavut ku zaan keniyu.

Juan 16:11

Ibpesavut din is kedsiluti kandan te Megbevayà su si Setanas he egalen dan te menge kuntada te Megbevayà, midhukuman en te silut.

Juan 16:13

Ne sikan is Wag̵as he Mulin-ulin he ebpenurù te tutuu he tuluuwen, emun dini en sikandin te keniyu, ibpesavut din keniyu is langun he tutuu. Kenè din iyan ibpesavut is kandin dà he isip, kekenà, iyan ibpesavut din is nezineg din diyà te Amey ku. Ibpesavut din daan keniyu is egkeulaula keuzemà.