Juan 15:21 - Manobo Western Bukidnon

²¹ Iyan, ebpesipelahan kew te menge etew tenged te kedtuu niw kediey su wazè dan mekilala is Amey ku he midsug̵ù kediey.

Juan 15:21 Cross References

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 10:39

Sikan is egkenug̵unan din is untung din dini te kelibutan, nasì egkeawà diyà te kandin is untung din. Iyan, sikan is edtumanen din is menge sug̵ù ku, minsan ke iyan ibpatey zin, ebeg̵ayan sikandin te untung he wazà din pidtemanan.

Mateo 24:9

Egkuntedahan kew te tivuuk he menusiyà tenged te menge sumusundan ku sikiyu. Ne edekepen kew te menge etew ne ibpalad kew zan diyà te edrasey keniyu ne is duma keniyu edhimetayan dan.

Mateo 5:11

Su utew kew zeyzey emun tenged te sumusundan ku sikiyu edsulaan kew wey ebpesipelahan kew te menge etew, ne ebpenudtul zan te tarù he mezaat is menge vaal niw.

Marcos 13:13

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Lucas 21:12

Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Lucas 21:17

Egkuntedahan kew te langun he menge etew tenged te sumusundan ku sikiyu.

Lucas 6:22

Utew kew zeyzey emun egkuntedahan kew te menge etew ne kenè kew zan edewaten he zuma zan, ne ebpeel-elezan kew zan, ne egkeg̵iyen kew zan he memezaat is ulaula niw tenged te midsundan kew kedì te Kakey te Menusiyà. Iyan heini kes mid-ulaula zengan te menge kepuun dan diyà te menge ebpeneuven te Megbevayà. Medlipey kew utew emun egkehitavù heini ziyan te keniyu su utew zekelà is suhul keniyu te Megbevayà he ebpeebuten niw ziyà te langit.

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 16:3

Umba ebeelan dan heini keniyu su siak wey is Amey ku, wazè key zan mekilala.

Juan 17:25

Wag̵as he Amey ku, is menge etew zini te kelibutan he kuntada nu, wazè dan mesavut ke hentei ka, iyan, siak, nesavut ku; ne heini is menge etew he g̵aked ta, nesavut dan he midsug̵ù a kenikew zini.

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Juan 8:54

Ne midtavak si Jesus te, “Emun ebpevantug a wazà pulus te kegkevantug kedì. Iyan ebantug kedì is Amey ku he Megbevayà. Egkeg̵iyen niw he iyan niw sikandin ed-ezapen,

Juan 8:55

iyan, wazè niw metueni ke hentei sikandin. Siak mulà, netuenan ku ke hentei sikandin. Ke migkag̵i ku he wazè ku sikandin mekilala, teruen a iring keniyu. Iyan, netuenan ku ke hentei sikandin ne edtumanen ku is menge lalag din kediey.

Nengeulaula 17:23

Su te kedrig̵urig̵u ku kayi te inged niw nengeehè ku is menge ed-ezapen niw. Ne zuen daan sevaha he pemuhatà he neehè ku he insurat dutun is lalag he edhenduen te, ‘Kayi ed-ezapa is Megbevayà he Wazè Pa Metueni.’ Ne sikan is Megbevayà he ed-ezapen niw minsan wazè niw pa metueni, iyan heini is ibpesavut ku en keniyu.

Nengeulaula 26:9

Ne siak, kunaan ku zengan ke iyan ebpeveelan kedì te Megbevayà is ed-ul-ulahan ku is taman te egkehimu ku su wey maawà diyà te minsan hentei is kedtuu zan ki Jesus he tigNeserit.

Nengeulaula 3:17

Ne g̵untaan menge suled, netuenan ku he sikiyu wey is menge punuan tew, mibeelan niw is mezaat diyà te ki Jesus tenged te wazè niw mesavut ke hentei sikandin.

Nengeulaula 4:17

Edewayen tew nasì sikandan he kenè dan en maan ipenurù is kedtuu te ngazan ni Jesus diyà te minsan hentei su wey kenà mekeeneb heini is ibpenurù dan diyà te menge etew.”

Nengeulaula 5:41

Ne is menge epustul, migenat dan ne utew zan nelipey su mid-isip sikandan te Megbevayà he meinentusen te ked-el-eleza kandan tenged te kedtuu zan ki Jesus.

Nengeulaula 9:14

Ne midhendini te Demasku su intug̵ut kandin te menge punuan he memumuhat is kebpendekepa te langun he ebpengumew-umew kenikew.”

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

1 Kurintu 2:8

Ne haazà is menge kelibutanen he pengulu, wazè dan mesuati te edsavut ke hengkey is edhimuwen te Megbevayà su ke nesavut dan, wazè dan pezem iransang te krus kes mekeg̵eg̵ehem he Nengazen te langun.

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

3 Juan 1:7

Su midhipanew zan wey zan mekesangyew te impenurù ni Kristu, iyan, kenè dan ebpetavang te kenà menge tumutuu.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.