Juan 15:16 - Manobo Western Bukidnon

¹⁶ Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:16 Cross References

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Mateo 7:7

Penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw. Penigudu kew penelehuzan ne ebpuwasan kew zin.

Lucas 6:13

Ne hein nepawà dutun ne miburun din is menge sumusundan din ne mibpilì din dutun is sepulù wey zezuwa ne migeraran din haazà he menge epustul.

Juan 13:18

Kenè kew pudu is egkeg̵iyan ku kayi su netuenan ku ke hengkey is gehinawa te uman sevaha keniyu te menge pinilì ku. Duen sevaha keniyu he ed-ekalan e zin. Umba egkeulaula heini su wey metuman sikan is netagnà dengan diyà te insurat he Lalag te Megbevayà he edhenduen te, ‘Is duma ku he ebpekidtug̵en kediey, iyan nehimu he kuntada ku.’

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

Juan 15:5

Su iyan a sikan is lawa ne iyan kew menge subpang ku. Is etew he kenà edsuwey kedì iring te kenà a zaan edsuwey kandin, iyan ebpekepenigudu ebpekepemeg̵as. Wazà egkehimu niw ke ebpekesuwey kew kediey.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Nengeulaula 1:24

Ne zutun in-ampù sikandan eni Pedro ke sikandan te, “Nengazen, iyan ka nesayud ke hengkey is diyà te g̵ehinawa te minsan hentei. Ne g̵untaan ipeehè nu kenami ke hendei zapit kayi te zezuwa is nepilì nu

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 10:41

Te nevanhew en sikandin wazà pudu mekeahà kandin is menge etew, kekenà, sikami zà is menge tistig̵us he zaan he mibpilì te Megbevayà. Sikami, nekekaan key wey nekeinum key zuma kandin hein nevanhew en sikandin.

Nengeulaula 22:14

Ne ke sikandin te, ‘Is Megbevayà te menge apù tew, mibpilì ke zin su wey nu maahà is sulug̵uen din he metazeng wey nu zaan mezineg is egkeg̵iyen kayi kenikew wey nu zaan metueni is egkesuatan din.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ruma 15:4

Su is minsan hengkey he insurat dengan he Lalag te Megbevayà, ne umba impesurat din su wey kiw mepenurù. Su pinaag̵i te Lalag te Megbevayà ibpenurù kenitew is kebmeinentusen te kemereg̵enan wey edsembag̵an kiw su wey kenà maawà is kebpeebuta tew te meupiya he egkeulaula keuzemà.

Ruma 9:21

Iring te ebpendiyun su ke ediyunen din is dezuwa he kuzen, iyan sikandin ebayàbayà ke hendei zapit dutun te zezuwa is edhimuwen din he utew mekempet he ed-ehaan su edeyzeyanan din, wey ke hendei zapit is edhimuwen din he kenà utew mekempet su kuzen dà duen.

1 Kurintu 10:11

Umba neulaula heini is langun su wey metueni te langun he kenà iyan haazà ulaula he egkesuatan te Megbevayà. Ne insurat daan heini su wey ikepenurù kenitew he edsilutan te Megbevayà is ed-ulaula te iring kayi. Su sikitew, meg̵aan tew en egkeumahi is kegketuman te langun he nengetagnà dengan.

Gelasya 1:15

Ne minsan pa zutun, ingkeg̵ag̵ew a te Megbevayà ne mibpilì e zin he sulug̵uen din te wazè e pa ianak ne nehimu zin he meketuu a kandin.

Ipisu 2:10

Su is kedlimbag̵a kenita he veg̵u, ne iyan baal te Megbevayà. Pinaag̵i te kebpekidsevaha ta ki Jesus midlimbag ki zin su wey ta meulaula is meupiya he midteg̵ana zin en he zaan wey ta meveeli.

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.

2 Timoteo 1:11

Ne siak, midtezù a te Megbevayà wey a mehimu he epustul ne wey ku ikesangyew wey ipenurù haazà is Meupiya he Tudtulanen,

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Tito 1:5

Iyan integ̵aka ku kenikew ziyan te Krita is wey nu mehimasad is menge vaal he wazè ta mepasad, ne wey nu zaan mepilì diyà te kada inged is menge ebmeg̵urangen he egkeserig̵an te menge tumutuu. Emun ebpilien nu is menge ebmeg̵urangen, ul-ulaha nu is intelaan ku kenikew.

Hibriyuhanen 11:4

Si Abel zengan, tenged te kedtuu zin te Megbevayà ne nehimu zin is utew pa meupiya he pemuhat kenà te impemuhat te kakey zin he si Kain. Ne tenged kayi te kedtuu ni Abel mid-isip te Megbevayà sikandin he metazeng su midawat te Megbevayà is impemuhat din. Ne minsan pa te zengan dà minatey si Abel zuen ketudluanan din kenitew tenged te mezesen is kedtuu zin.

Santiago 3:18

Iring te venì is kelinew. Ibpemula te menge menhuhusey ne iyan egkerag̵un dutun is metazeng he menge ulaula.

1 Pedro 3:15

Layun niw isipa he iyan egalen niw si Kristu. Layun niw endama is tavak ke zuen ed-insà keniyu ke maan is ebpekesarig kew te Megbevayà.

1 Pedro 3:2

Su egkeehè dan is kedtahud niw te Megbevayà wey is ulaula niw he wazà igkesewayi zuen.

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

1 Juan 4:19

Umba utew en mahal sikandin dini te g̵ehinawa tew su nehuna kiw zin he mibmahal ziyà te kandin he g̵ehinawa.