Juan 15:1 - Manobo Western Bukidnon

¹ “Iyan a,” ke si Jesus, “sikan is puun te pinemula he paras ne is Amey ku he Megbevayà, iyan teg̵ipinemula.

Juan 15:1 Cross References

Mateo 15:13

Ne midtavak si Jesus te, “Ebezuten is minsan hengkey he pinemula he wazà ipemula te Amey ku he Megbevayà.

Mateo 20:1

Ne migkag̵i si Jesus te, “Is kedhadì te Megbevayà he ziyà te langit, iring te etew he zuen din menge pinemula he g̵awed he egngezanan te paras. Ne midselemselem haazà is etew mebpengahà te etew he edsuhulan din he ibpeterebahu zin dutun te perasan din.

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Marcos 12:1

Ne impenurù en maan ni Jesus is menge sempità. Ke sikandin te, “Duen etew he zuen din tanà he mibpemulaan din te g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig te ed-ubpaan te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Lucas 13:6

Ne zuen en maan sempità he impezineg ni Jesus kandan. Ibpenurù din he emun wazà mahalin is ulaula te etew ne edsilutan sikandin te Megbevayà. Ke sikandin te, “Duen etew he zuen din pinemula he kayu he igira ziyà te pemuleey zin. Sevaha he andew zutun mid-ehè din haazà is kayu ke zuen en beg̵as din he igira. Iyan, wazà mebeg̵as haazà is kayu.

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Juan 6:32

Ne midtavak dutun si Jesus te, “Benar is egkeg̵iyen ku keniyu, kenà iyan si Moises nekeveg̵ey te egkeenen he nengeulug he ebpuun te langit, kekenà, iyan is Amey ku he Megbevayà. Ne is tutuu he egkeenen he ebpuun te langit, ibeg̵ey keniyu te Amey ku.

Juan 6:55

su is lawa ku wey is lengesa ku, egkehimu he keuyag̵an wey inumen te wazà pidtemanan.

Ruma 11:17

Is menge kevuwazan ni Israyil, ne iring sikandan te kayu he ulivu he ed-elimahan te Megbevayà. Ne zuen menge subpang dutun te kayu he midtamped te Megbevayà. Ne sikiyu is kenà menge Hudiyu, ne iring kew te menge subpang te wazà ipemula he ulivu he in-ilis te Megbevayà he impetuvù din dutun te midtempezan din te subpang. Ne iring ded daan guntaan utew meupiya is kedtuvazi keniyu te Megbevayà, iring te meupiya zaan is kedtuvazi zin dengan te menge Hudiyu.

1 Kurintu 3:9

Siak wey si Epulu, ebpetevangè key su telezuma key he sulug̵uen te Megbevayà. Ne sikiyu, iring kew te kamet te Megbevayà he iyan edterebehuwen dey. Iring kew zaan te ebelayan te Megbevayà.

1 Juan 2:8

Ne minsan pa te zaan heini he sug̵ù, henduen be te sikan pa isug̵ù kenitew su impaahà ni Kristu he tutuu heini is sug̵ù wey ibpeehè niw zaan g̵untaan. Egkeawè en kayi te kelibutan is kerusireman ne egketeyawan kiw en te tutuu he tuluuwen.