Juan 14:23 - Manobo Western Bukidnon

²³ Ne midtavak si Jesus te, “Ke zuen etew he mahal a ziyà te g̵ehinawa zin, edtumanen din is menge sug̵ù ku, ne zutun mahal sikandin diyà te g̵ehinawa te Amey ku. Ne siak wey is Amey ku, edhendiyè key te kandin ne ziyà key ed-ubpà te kandin.

Juan 14:23 Cross References

Juan 10:30

Sevaha key zà, siak wey is Amey ku he Megbevayà.”

Juan 14:15

Emun mahal a ziyà te g̵ehinawa niw, edtumanen niw is menge sug̵ù ku keniyu,

Juan 14:17

Iyan sikandin sikan is Wag̵as he Mulin-ulin he tutuu is ibpenurù din. Kenà heini egkezawat te menge etew zini te kelibutan he kuntada te Megbevayà su kenè dan egkekilala sikandin ne kenè dan egkesavut ke hentei sikandin. Sikiyu mulà, nesavut niw en ke hentei sikandin su ziyà ed-ubpà te keniyu ne kenà daan ed-awà diyà te keniyu.

Juan 14:21

Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”

Juan 14:24

Ke zuen etew he kenà a mahal ziyà te g̵ehinawa zin, kenè din edtumanen is menge sugù ku. Heini is menge lalag ku, kenà dini zà te isip ku ebpuun, kekenà, diyà ebpuun te Amey ku he iyan midsug̵ù kediey.

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 16:27

su utew kew mahal ziyà te g̵ehinawa te Amey ku tenged te mahal a zaan diyà te g̵ehinawa niw wey tenged daan te midtuu kew he ziyà a ebpuun te Amey ku he Megbevayà.

Juan 6:56

Is egkaan te lawa ku wey ed-inum te lengesa ku, kenà ed-awà dini te kediey ne siak, kenà a zaan ed-awà diyà te kandin.

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

2 Kurintu 6:16

Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”

Ipisu 3:17

su wey, pinaag̵i te kedtuu niw, melumuni is gehinawa niw ni Jesu Kristu. Ne idhangyù ku zaan he heg̵eti zin wey lig-eni zin is kebmahala niw te minsan hentei. Umba idhangyù ku heini su wey sikiyu,

1 Juan 2:24

Is tuluuwen he impenurù keniyu hein aney kew medtuu, kinahanglan he edhemenan niw su emun edhemenan niw kenà egkehimu he kenè kew layun egkesevaha te Amey tew he Megbevayà wey te Anak din he si Jesu Kristu.

1 Juan 2:5

Ne ke zuen etew he edtumanen din is menge sug̵ù te Megbevayà, neheg̵et en is kebmahala zin te Megbevayà diyà te g̵ehinawa zin. Sikan is etew he egkag̵i he nekidsevaha sikandin te Megbevayà, kinahanglan he metazeng is menge ulaula zin iring te metazeng is menge ulaula ni Jesus. Emun iyan heini ed-ul-ulahan ta, netuenan ta he nekidsevaha ki te Megbevayà.

1 Juan 4:4

Sikiyu, menge anak ku, gaked kew en te Megbevayà ne nezaag niw en is menge teruen he mulin-ulin su lavew pa he mekeg̵eg̵ehem is Megbevayà he ziyà ed-ubpà te kenitew, kenà si Setanas he ziyà ed-ubpà te menge etew zini te kelibutan he kuntada te Megbevayà.

1 Juan 5:3

Is hustu he kebmahala ta te Megbevayà, ne iyan is kedtumana ta te menge sug̵ù din. Ne kenà mereg̵en he edtumanen is menge sug̵ù din

2 Juan 1:6

Su emun egig̵ineg̵awè kiw, egketuman tew is menge sug̵ù te Megbevayà. Su iyan sug̵ù din kenitew is: kinahanglan he egig̵ineg̵awè kiw.

Impezayag 21:22

Ne wazè ku naahà he valey he simbahan dutun te inged. Wazà kinahanglan is baley he simbahan dutun su is Megbevayà he mekeg̵eg̵ehem he Nengazan te langun wey is nati he kerehidu, dutun en te kandan edsimba is langun.

Impezayag 21:3

Ne nezineg ku is egkag̵i he utew mezag̵ing diyà te pinuuwà te edhadì, ne ke sikandin te, “Mid-amur en human is Megbevayà diyà te menusiyà. Ed-amur sikandin kandan ne egkehimu sikandan he menge gin-etawan din. Iyan sikandin duma zan wey ed-ezapen dan he Megbevayà.

Impezayag 22:3

Ne haazà is inged, wazà dutun minsan hengkey he midrewakan te Megbevayà. Ne zutun is pinuuwà te Megbevayà he iyan pinuuwà te nati he kerehidu. Ne ed-ezapen is Megbevayà te menge sulug̵uen din.