Juan 14:21 - Manobo Western Bukidnon

²¹ Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”

Juan 14:21 Cross References

Lucas 11:28

Iyan, midtavak si Jesus te, “Lavew pa he zekelà is kelipey te etew he ebpemineg te Lalag te Megbevayà ne ebpezumdumahan din!”

Juan 14:15

Emun mahal a ziyà te g̵ehinawa niw, edtumanen niw is menge sug̵ù ku keniyu,

Juan 14:18

Ne kenè ku sikiyu ed-ewaan he iring te nengeilu su edlikuan ku zed sikiyu.

Juan 15:14

Menge emig̵u ku sikiyu ke edtumanen niw is idsug̵ù ku keniyu.

Juan 16:14

Ebentug̵en e zin su ibpesavut din keniyu is penurù ku wey ulaula ku.

Juan 16:27

su utew kew mahal ziyà te g̵ehinawa te Amey ku tenged te mahal a zaan diyà te g̵ehinawa niw wey tenged daan te midtuu kew he ziyà a ebpuun te Amey ku he Megbevayà.

Juan 17:23

Su ziyà a te kandan ne zini ka zaan te kedì wey mehustu is kegkesevaha te isip dan su wey metueni te tivuuk he menusiyà he midsug̵ù a kenikew, ne wey metueni zaan te menusiyà he mahal sikandan diyan te g̵ehinawa nu iring daan te mahal a ziyan te g̵ehinawa nu.

Nengeulaula 22:18

Neehè ku is Nengazen he si Jesus ne ke sikandin te, ‘Gaanggaan ka genat ne awè ka kayi te Hiruselim su is menge etew kayi, kenè dan edewaten is ibpesavut nu kandan mehitenged kediey.’

2 Kurintu 12:8

Ketetelu ku en iampù diyà te Megbevayà he iawè din,

2 Kurintu 3:18

Ne, menge suled, sikitew is langun, nesavut tew en he utew lavew is gehem te Nengazen tew, ne wazà ebpekealang te kedsevuta tew kayi. Ne pinaag̵i kayi te g̵ehem he ebpuun te Nengazen he iyan kes Wag̵as he Mulin-ulin, edhimuwen kiw zin he iring te kandin ne layun ed-iseg heini is gehem.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

2 Timoteo 4:22

Berakat he zumahi kew te Nengazen. Ikeg̵ag̵ew kew zin is langun. Iyan a si Pablo.

1 Juan 2:5

Ne ke zuen etew he edtumanen din is menge sug̵ù te Megbevayà, neheg̵et en is kebmahala zin te Megbevayà diyà te g̵ehinawa zin. Sikan is etew he egkag̵i he nekidsevaha sikandin te Megbevayà, kinahanglan he metazeng is menge ulaula zin iring te metazeng is menge ulaula ni Jesus. Emun iyan heini ed-ul-ulahan ta, netuenan ta he nekidsevaha ki te Megbevayà.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

1 Juan 5:3

Is hustu he kebmahala ta te Megbevayà, ne iyan is kedtumana ta te menge sug̵ù din. Ne kenà mereg̵en he edtumanen is menge sug̵ù din

2 Juan 1:6

Su emun egig̵ineg̵awè kiw, egketuman tew is menge sug̵ù te Megbevayà. Su iyan sug̵ù din kenitew is: kinahanglan he egig̵ineg̵awè kiw.

Impezayag 2:17

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, ebeg̵ayan ku sikandin te in-eles ku pa he egkeenen he mana he ziyà ebpuun te langit. Ne ibeg̵ey ku zaan kandin is meputì he vatu he insurat dutun is beg̵u en he ngazan. Iyan dà egkesayud te ngazan dutun is ebeg̵ayan.’ ”

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Impezayag 3:20

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.