Juan 14:18 - Manobo Western Bukidnon

¹⁸ Ne kenè ku sikiyu ed-ewaan he iring te nengeilu su edlikuan ku zed sikiyu.

Juan 14:18 Cross References

Mateo 18:20

Su ke zuen minsan dezuwa, ne emun kenà, ne tetelu, he egkevurun su ed-azap dan kediey, ne zutun a zaan te kandan.”

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Juan 14:16

ne edhengyuan ku is Amey ku su wey zin ikeveg̵ey keniyu is Menenavang he ed-ilis kediey he kenà edsuwey keniyu te minsan keenu.

Juan 14:3

Ne emun ebpekehendiyà ad su ed-endaman ku sikiyu te egkeubpaan, edlikuan ku sikiyu ne ziyà ku sikiyu ed-uwita te ed-ubpaan ku. Ne zutun, ke hendei a, ne zutun kew zaan.

Juan 16:16

Nesipeg̵an en is timpu he kenà ad keniyu egkeahà ne kenà daan utew egkeug̵et dutun ne egkeahà a keniyu egkeuman.”

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

Hibriyuhanen 2:18

Ne egkehimu en he egketevangan din is ebpenulayen ni Setanas su neseg̵azan din en is kemereg̵enan tenged te kebpenulaya kandin.