Juan 13:7 - Manobo Western Bukidnon

⁷ Ne midtavak si Jesus te, “Kenè nu egkesavut is ebeelan ku g̵untaan, iyan, keuzemà egkesavut nu.”

Juan 13:7 Cross References

Juan 12:16

Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.

Juan 13:36

Ne zutun migkag̵i ki Jesus si Simon, kes migeraran ki Pedro, ke sikandin te, “Ebpehendei ka?” Ne midtavak si Jesus te, “Ke hendei a ebpevayà kenè kew pa ebpekezuma; iyan, keuzemà ebpeketelukun kew g̵ihapun.”

Juan 13:6

Ne hein iyan en si Simon he migeraran ki Pedro, migkag̵i si Pedro te, “Edlùluan nu ve is menge paa ku?”

Juan 14:26

Ne edsug̵uen te Amey ku zini te keniyu is Menenavang he ed-ilis kediey. Iyan sikandin sikan is Wag̵as he Mulin-ulin ne ibpenurù din keniyu is langun, ne ibpetenuzan din keniyu is langun he migkag̵i ku keniyu.