Juan 13:4 - Manobo Western Bukidnon

⁴ Ne zutun te edlavung dan, midhitindeg si Jesus ne midluwas din is kumbalè din ne zuen imbevakes din he tualya,

Juan 13:4 Cross References

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Lucas 17:7

Ne migkag̵i en maan si Jesus te, “Penenglitan, ke zuen sulug̵uen te sevaha keniyu ne iyan baal zin is ed-eradu ne emun kenà ne ed-elima te menge ayam nu. Ne emun sikan pa ed-ulì te mahapun, kenà egkehimu he egkeg̵iyan nu te, ‘Huna ka kaan ne human a.’

Lucas 17:8

Kenà, su iyan egkeg̵iyen nu is, ‘Penlùlù ke pa ne subai a kenikew wey a mekekaan. Ne wey ka mekekaan ke egkeipus a he egkaan.’ ”

Lucas 22:27

Ne penenglitan, hentei is lavew? Iyan be is ebpinuu su egkaan wey ke iyan be haazà is sulug̵uen he edtangel kandin? Ne siguradu iyan lavew is ebpinuu, ne minsan pa zutun, siak is egalen niw, ne iring a te edtangel keniyu.”

Juan 13:12

Ne hein netapus din haazà is kebpenlùlui zin te menge paa zutun te menge sumusundan din, insun-ud din is kumbalè din ne mibpinuu. Migkag̵i sikandin diyà te kandan te, “Egkesavut niw ve is kehulug̵an kayi te mid-ulaula ku keniyu?

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

1 Juan 3:11

Kinahanglan he ebmahalen tew te kada sevaha is menge zuma tew. Iyan heini impenurù kenitew hein aney kiw meketuu.