Juan 13:36 - Manobo Western Bukidnon

³⁶ Ne zutun migkag̵i ki Jesus si Simon, kes migeraran ki Pedro, ke sikandin te, “Ebpehendei ka?” Ne midtavak si Jesus te, “Ke hendei a ebpevayà kenè kew pa ebpekezuma; iyan, keuzemà ebpeketelukun kew g̵ihapun.”

Juan 13:36 Cross References

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

Juan 14:2

Mezakel is menge egkeubpaan diyà te ed-ubpaan te Amey ku, su ke kenà tutuu heini, wazè ku g̵eina sikiyu keg̵iyi he edhendiyà a te ked-andam te egkeubpaan niw.

Juan 16:17

Ne zutun mibpein-inseey is duma he menge sumusundan din te, “Hengkey vuwa is ibpesavut din kayi te lalag din he nesipeg̵an en is timpu he kenè tew en sikandin egkeahà ne kenà daan utew egkeug̵et dutun ne egkeehè tew en maan, wey hengkey is ibpesavut din te migkag̵i zin he ed-ulì sikandin diyà te Amey zin?”

Juan 16:5

Iyan, guntaan ed-ulì ad diyà te Amey ku he midsug̵ù kedì. Ne wazà sevaha keniyu he ed-insà kedì ke hendei a ebpevayà,

2 Pedro 1:14

Netuenan ku he meg̵aan e en egkeumuri sumalà is impesavut kedì te Nengazen tew he si Jesu Kristu.