Juan 13:32 - Manobo Western Bukidnon

³² Ne emun pinaag̵i kedì egkeahà guntaan is dekelà he g̵ehem te Amey ku he Megbevayà, kenà utew egkeug̵et ne ibpeehè din daan is kediey he dekelà he g̵ehem.

Juan 13:32 Cross References

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

1 Pedro 3:22

Diyà si Jesus med-ulì te langit ne g̵untaan diyà sikandin ebpimpinuu te zapit te egkekewanan te Megbevayà tuus te utew lavew sikandin. Iyan sikandin ebayàbayà te langun he menge velinsug̵uen te Megbevayà wey te menge kedesenan wey te minsan hentei ziyà te langit he zuen din gehem.

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

Impezayag 22:13

Iyan a sikan is alpa wey umiga, he ke và dà egkeg̵iya, kes ebpuunan wey kes egkepengkusan te minsan hengkey,” ke si Jesus.

Impezayag 22:3

Ne haazà is inged, wazà dutun minsan hengkey he midrewakan te Megbevayà. Ne zutun is pinuuwà te Megbevayà he iyan pinuuwà te nati he kerehidu. Ne ed-ezapen is Megbevayà te menge sulug̵uen din.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.