Juan 13:31 - Manobo Western Bukidnon

³¹ Ne hein migenat en si Hudas, migkag̵i si Jesus te, “Meg̵aan en egkeahà ke sengemenu is kezekelà te g̵ehem ku te Kakey te Menusiyà, ne pinaag̵i kedì egkeahà daan ke sengemenu is kezekelà te g̵ehem te Amey ku he Megbevayà.

Juan 13:31 Cross References

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Lucas 12:50

Duen ibewtismu kedì he iyan is dekelà pa he menge kemeresayan he egkeulaula ku he wazè pa mengetuman. Henduen a te ed-utuk te langit taman te kenè ku pa heini egkeliyu.

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 12:28

Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 16:14

Ebentug̵en e zin su ibpesavut din keniyu is penurù ku wey ulaula ku.

Juan 7:39

(Is wahig he ebpekeveg̵ey te untung he migkag̵i ni Jesus iyan is Wag̵as he Mulin-ulin. Egkezawat heini te minsan hentei he edtuu ki Jesus, asal zutun he timpu wazè pa iveg̵ey is Wag̵as he Mulin-ulin su wazè pa si Jesus med-ulì diyà te langit.)

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,

2 Kurintu 3:18

Ne, menge suled, sikitew is langun, nesavut tew en he utew lavew is gehem te Nengazen tew, ne wazà ebpekealang te kedsevuta tew kayi. Ne pinaag̵i kayi te g̵ehem he ebpuun te Nengazen he iyan kes Wag̵as he Mulin-ulin, edhimuwen kiw zin he iring te kandin ne layun ed-iseg heini is gehem.

Ipisu 2:7

Umba mid-ulaula zin heini su wey ikepeehè din kenitew is utew lavew he kezekelà te g̵ag̵ew zin wey kedtavang din kenitew pinaag̵i ki Jesu Kristu te wazè din pidtemanan.

Ipisu 3:10

Umba wazà heini zengan ipezayag su wey g̵untaan pinaag̵i zà te menge tumutuu ki Jesus, ibpaahà te Megbevayà diyà te menge kedesenan wey menge egalen diyà te langit ke hengkey kezekelà is ketau zin he wazè med-iring-iring.

Pilipus 2:11

ne ebpekekag̵i zan he iyan si Jesu Kristu Nengazen te minsan hengkey. Ne pinaag̵i kayi egkevantug dan daan is Amey tew he Megbevayà.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.