Juan 13:24 - Manobo Western Bukidnon

²⁴ Ne haazà he sumusundan, mid-uyawan ni Simon he iyan kes migeraran ki Pedro. Ke si Pedro te, “Insai nu sikandin ke hentei is egkeg̵iyen din.”

Juan 13:24 Cross References

Lucas 1:22

Ne hein midlawang en sikandin dutun, ne kenè en ebpekekag̵i ziyà te kandan. Ne netuenan dan dutun he zuen impaahà kandin te Megbevayà dutun te seled te simbahan su kenè en ebpekekag̵i ne ebpenguyew-uyew zà sikandin diyà te menge etew. Ne puun dà dutun ne emew sikandin.

Lucas 5:7

Ne migkapey zan is menge zuma zan dutun te sevaha he avang wey zan mekeug̵up. Ne hein nekeuma haazà is menge zuma zan, impen-ahuk dan is pait dutun te zezuwa he avang ne samè dà kenà melavu haazà is menge avang tenged te utew nepenù.

Juan 13:23

Ne zutun te zurug ni Jesus kes sumusundan din he pinedtayè din utew.

Juan 13:25

Ne haazà he sumusundan, geina te uvey sikandin ni Jesus, mid-insaan din si Jesus te, “Hentei kenami is ed-akal kenikew?”

Nengeulaula 12:17

Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.

Nengeulaula 13:16

Ne midhitindeg si Pablo ne imbayew zin is belad din su wey zan metueni he zuen egkeg̵iyen din ne migkag̵i te, “Menge zuma ku he kevuwazan ni Israyil wey sikiyu is langun he ed-azap daan te Megbevayà, pemineg̵a niw is egkeg̵iyen ku.

Nengeulaula 21:40

Ne midtug̵utan din, ne si Pablo, midhitindeg dutun te heg̵ezan, ne imbayew zin is belad din he tuus te zuen egkeg̵iyen din dutun te menge etew, ne hein mid-engked is keg̵urub dan, migkag̵i si Pablo te kineg̵iyan he Hibriyuhanen.