Juan 13:16 - Manobo Western Bukidnon

¹⁶ Utew venar is egkeg̵iyen ku keniyu he is sulug̵uen, kenà lavew sikandin te egalen din, ne is sug̵ù daan, kenà sikandin lavew te midsug̵ù kandin.

Juan 13:16 Cross References

Lucas 6:40

Is ebpepenurù, kenè din isipa he lavew sikandin he edtehuzen kenà te ebpenurù kandin. Ne emun wazè en igkepenurù kandin te ebpenurù, human ebpekedrepeng sikandan is ebpepenurù wey is ebpenurù.”

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

Pilipus 2:25

Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.