Juan 13:11 - Manobo Western Bukidnon

¹¹ Umba migkag̵i he wazà melumpiyuwi is sevaha su netuenan din ke hentei is ed-akal kandin wey mehimetayi.

Juan 13:11 Cross References

Juan 13:18

Kenè kew pudu is egkeg̵iyan ku kayi su netuenan ku ke hengkey is gehinawa te uman sevaha keniyu te menge pinilì ku. Duen sevaha keniyu he ed-ekalan e zin. Umba egkeulaula heini su wey metuman sikan is netagnà dengan diyà te insurat he Lalag te Megbevayà he edhenduen te, ‘Is duma ku he ebpekidtug̵en kediey, iyan nehimu he kuntada ku.’

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Juan 13:21

Ne te kegkeg̵iya zutun ni Jesus, utew mibmesakit is gehinawa zin ne migkeg̵iyan din is menge sumusundan din te, “Utew venar is egkeg̵iyen ku keniyu he ed-ekalan a te sevaha keniyu wey a mehimetayi.”

Juan 13:26

Ne midtavak si Jesus te, “Emun igkezehulit ku en heini is supas, ne is ebeg̵ayan ku, iyan sikandin.” Ne indehulit din haazà is supas, ne imbeg̵ey zin ki Hudas he anak ni Simon he tigKeriyuti.

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Juan 2:25

Ne minsan te wazà edtazem kandin ke hengkey is neseled te g̵ehinawa te menge etew netuenan din en su nesayud sikandin he zaan ke hengkey is gehinawa te menusiyà.