Juan 12:6 - Manobo Western Bukidnon

⁶ Iyan ingkekeg̵iya zin dutun, kenà te hizu zin te menge egkengeayuayu, kekenà, tenged te tekawen sikandin. Iyan sikandin ibpetipig eni Jesus te selapì dan ne ebpenekawen din is duma zutun.

Juan 12:6 Cross References

Mateo 21:13

Migkag̵i sikandin diyà te kandan te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan.’ Ne sikiyu,” ke si Jesus, “nasì niw veeli he ubpeey te ebpemenlimbung.”

Lucas 8:3

Ne elin daan dutun te menge vahi si Juana he esawa ni Kusa. Si Kusa, ne sinerig̵an ni Hadì Hirudis. Ne zutun daan si Susana wey mezakel pa he menge zuma he vahi he nemenduma su midtevangan dan ensi Jesus pinaag̵i te menge ketig̵eyunan dan.

Juan 10:13

Umba ebpelag̵uy haazà is sinuhulen su kenà iyan sikandin sikan is tutuu he ed-elima, ne kenà daan mahal ziyà te g̵ehinawa zin haazà is menge kerehidu.

Juan 12:5

“Es, Es! Pira vuwa he g̵atus is bali kayi? Deyzey ke imbelegyà heeyan is agwa wey ikeveg̵ey is halin din diyà te menge egkengeayuayu.”

Juan 13:29

Kunaan te zuma he ibpepemasa ni Jesus sikandin te egkinehenglanen dan he idsilibra te pista, ne emun kenà, duen ibpeveg̵ey ni Jesus diyà te menge egkengeayuayu. Umba iyan haazà netag̵ù diyà te g̵ehinawa zan su si Hudas, iyan edtipig te selapì dan.)

1 Kurintu 6:10

is tekawen, is leg̵ezen, is lelenguten, is ebpen-ulug te salà diyà te zuma zin, wey is limbungan, wey is minsan hentei etawa he ed-ulaula te iring kayi, ne kenà sikandin egkehedian keuzemà te Megbevayà, kekenà, edsilutan sikandin.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

1 Tiselunika 5:22

Likayi niw is minsan hengkey he mezaat.

Santiago 2:2

Penenglitan duen edseled diyà te simbahan niw he sepian he edsisising te vulawan ne utew mahal is bisti zin. Ne zuen daan edtampu he egkeayuayu ne nenggeremisey is kandin he bisti.

Santiago 2:6

Iyan, sikiyu mulà, wazè niw kedtahud dutun te egkengeayuayu. Hentei is ebpenlupig keniyu? Iyan is menge sepian. Ne hentei is edsumbung keniyu ziyà te etuvangan te huwis?