Juan 12:38 - Manobo Western Bukidnon

³⁸ Su pinaag̵i kandan netuman sikan is netagnà dengan ni Esaias, kes ebpeneuven te Megbevayà. Su ke si Esaias te, “Nengazen, wazà edtuu te ibpesavut dey. Wazà nesayud he impeehè nu en kandan is gehem nu.”

Juan 12:38 Cross References

Mateo 15:7

Tarù is kedtuu niw te Megbevayà! Utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin, su ke sikandin te,

Mateo 16:17

Ne migkag̵i si Jesus te, “Simon, anak ni Juan, midtuvazan ka te Megbevayà su wazè nu metueni heini pinaag̵i te etew, kekenà, impinted kenikew te Amey ku he ziyà te langit.

Mateo 27:35

Ne inransang dan sikandin diyà te krus; ne zutun midripa zan ke hentei is ebpekeangken te menge ugelingen din.

Juan 12:37

Minsan pa te mezakel is nengeehè dan he menge egkein-inuwan he mibeelan din, wazè dan sikandin tuuwi.

Juan 12:39

Ne migkag̵i zaan si Esaias te, “Is Megbevayà, midhimu zin sikandan he lakap wey kenè dan mekeahà. Midhimu zin daan he mezesen is gehinawa zan wey zan kenà meketuu su kela ke ed-iniyug̵an dan is mezaat he ulaula ne ebpetavang dan kandin.” Umba wazè dan dutun meketuu ki Jesus.

Juan 15:25

Pinaag̵i kayi netuman diyà te kandan is tagnà diyà te kesug̵uan he impenurù dengan kandan he edhenduen te, ‘Minsan ke wazè dan ketezengan te igkuntedaha zan kedì, ne egkuntedahan e zan.’ ”

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Juan 19:24

Ne tenged dutun migkag̵i is menge sundaru te, “Kenè tew ebindasen, kekenà, edripahan tew wey tew metueni ke hentei kenitew is ebpekeg̵aked.” Umba neulaula zan heini su egketuman kes netagnà dengan he Lalag te Megbevayà he insurat he edhenduen te, “Mibahinbahin dan is ugelingen ku ne midripahan dan is bisti ku.” Ne neulaula haazà dutun te menge sundaru.

Ruma 10:16

Iyan, dutun te kebpesevuta te Meupiya he Tudtulanen, mezelag dà is Hudiyu he edtuu su zuen menge lalag dengan ni Esaias diyà te Megbevayà he edhenduen te, “He Nengazen, henduen be te wazà edtuu te impesavut dey,” ke sikandin.

Ruma 10:20

Ne keladu pa utew is Lalag te Megbevayà he impenudtul zengan ni Esaias su edhenduen te, “Neturedu a te menge etew he kenà ebpen-ahà kedì, ne minsan ke wazè e zan iinsà, impesavut ku kandan ke hentei a,” ke sikandin.

1 Kurintu 1:24

Iyan, is minsan hentei, Hudiyu se Gerisyahanen, emun ebpemineg dan te Megbevayà dutun te kebpetuuwa zin kandan, netuenan dan he pinaag̵i te kedrensanga ki Kristu impezayag te Megbevayà is gehem din wey ketau zin.

Gelasya 1:16

Ne hein neisip din he ibpekilala zin en kediey is Anak din he si Jesus su wey ku ikepenudtul is keag̵i ni Jesus diyà te menge etew he kenà menge Hudiyu, wazà a mebpepenurù te minsan hentei he etew;