Juan 12:3 - Manobo Western Bukidnon

³ Ne si Maria, migkuwa zin is sengesalmun he agwa te nardu he utew mahal, ne mid-uvayan din si Jesus ne inhaplas din diyà te menge paa ni Jesus ne interapu zin is menge vulvul zin te paa ni Jesus. Ne nekeeneb dutun te tivuuk he seled te valey is mehemut.

Juan 12:3 Cross References

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Lucas 7:46

Ne wazè nu zaan itisi is ulu ku te lana, iyan, heini is bahi, mahal he mehemut he agwa is imbusbus din dini te menge paa ku!

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.

Juan 11:28

Ne te nekag̵i ni Marta haazà, mibeyaan din sikan is suled din he si Maria ne midnèneesan din te, “Nekeuma en si Jesus ne ibpehendiyè ke zin.”

Juan 11:32

Hein nekeuma si Maria ziyà te ki Jesus, mid-uvey ziyà te kandin ne midluhud. Ne ke sikandin te, “Angin ke zini ka pezem su kenà ebpatey kes meemahan ku.”

Juan 19:39

Ne si Nikudimu, sikan is nenumbaley ziyà te ki Jesus te sevaha he mezukilem, miduma zaan dutun. Duen mid-uwit din he kelimahan he kilu he pehemut he alus he midsehug̵an te pehemut he mira.