Juan 12:18 - Manobo Western Bukidnon

¹⁸ Umba mibpemenelavuk ki Jesus is utew mezakel he menge etew su nezineg dan he mibanhew zin si Lazaro.

Juan 12:18 Cross References

Lucas 19:37

Ne hein edtupang dan en dutun te vuvungan he Ulivuwan su uvey zan en diyà te inged he Hiruselim, ne langun dutun te menge sumusundan din he nemenduma kandin, utew zan nengelipey he edhabet edalig te Megbevayà tenged te langun he nengeehè dan he menge egkengein-inuwan he mibeelan ni Jesus.

Juan 12:11

su tenged kandin mezakel is menge Hudiyu he midsuwey te impenurù te menge memumuhat su edsunuzen dan si Jesus.

Juan 12:12

Ne nepawà dutun te kedheplasi ki Jesus, sikan is utew mezakel he menge etew he ebpemenelavuk dutun te pista, nezineg dan he edhendiyà si Jesus te Hiruselim.

Juan 12:19

Ne zutun migkag̵i is menge Perisiyu te, “Utew mezakel he menge etew is edsundan kandin! Wazè tew en bes egkehimu.”

Juan 2:11

Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.