Juan 12:16 - Manobo Western Bukidnon

¹⁶ Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.

Juan 12:16 Cross References

Marcos 16:19

Ne te kegkeipusa te Nengazen he si Jesus dutun te menge lalag din, mibatun sikandin pehendiyà te langit, ne mibpinuu ziyà te egkekewanan te Megbevayà.

Marcos 9:32

Ne haazà is migkag̵i ni Jesus, wazà mesavut dutun te menge sumusundan din, ne egkehandek dan daan he ed-insà kandin ke hengkey is ibpesavut din dutun.

Lucas 18:34

Iyan, haazà is menge sumusundan din, ne wazè dan mekesavut dutun te egkeg̵iyen din. In-eles kandan haazà is kehulug̵an dutun ne wazè dan metueni ke hengkey haazà is ibpesavut kandan ni Jesus.

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

Lucas 24:45

Ne zutun impesavut din human kandan is langun te impemesurat he Lalag te Megbevayà.

Lucas 9:45

Ne is menge sumusundan din, wazè dan dutun mesavut is ibpesavut ni Jesus. Wazà ipesavut te Megbevayà kandan su wey kenè dan metueni. Ne wazè dan mekeaku he ed-insà kandin ke hengkey is kehulug̵an dutun.

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 14:26

Ne edsug̵uen te Amey ku zini te keniyu is Menenavang he ed-ilis kediey. Iyan sikandin sikan is Wag̵as he Mulin-ulin ne ibpenurù din keniyu is langun, ne ibpetenuzan din keniyu is langun he migkag̵i ku keniyu.

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Juan 17:5

Ne guntaan, Amà, iulì nu kediey ziyan te etuvangan nu sikan is daan he utew ku kegkelavew he iyan kes kegkelavew ku zengan hein diyan e pa te kenikew te wazè pa limbag̵a is kelibutan.

Juan 2:22

Ne neug̵et pa zutun hein nevanhew en si Jesus, netenuzan te menge sumusundan din heini is migkag̵i zin dutun, ne human dan dutun mesavut he tutuu is netagnà te insurat he Lalag te Megbevayà mehitenged te kegkevanhew ni Jesus wey tutuu zaan is midtagnà ni Jesus.

Juan 7:39

(Is wahig he ebpekeveg̵ey te untung he migkag̵i ni Jesus iyan is Wag̵as he Mulin-ulin. Egkezawat heini te minsan hentei he edtuu ki Jesus, asal zutun he timpu wazè pa iveg̵ey is Wag̵as he Mulin-ulin su wazè pa si Jesus med-ulì diyà te langit.)

Nengeulaula 2:33

Midtulus en si Jesus ne impepinuu en diyà te lavew he pinuuwà diyà te zapit te egkekewanan te Megbevayà, ne imbeg̵ey kandin te Amey tew he Megbevayà is Wag̵as he Mulin-ulin he impesarig din kandin. Umba nengeehè niw wey nengezineg niw g̵untaan heini is langun he egkein-inuwan su ebpuun te g̵ehem te Wag̵as he Mulin-ulin he imbeg̵ey te Megbevayà.

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Nengeulaula 3:13

Is Megbevayà he ed-ezapen te menge kepuun tew he si Abraham, si Isaak, wey si Hakub, midtulus din is sulug̵uen din he si Jesus. Ne te wazè pa sikandin tulusa, impalad niw ziyà te menge punuan ne midsumpalit niw ziyà te etuvangan ni Gubirnedur Pilatu. Ne si Pilatu, edlibriyen din pezem si Jesus,

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

Hibriyuhanen 8:1

Ne iyan kehulug̵an te langun he impesavut ku en keniyu is: duen tew en lavew he memumuhat he iring kayi ne iyan si Jesus. Impepinuu en sikandin diyà te utew lavew he pinuuwà su ziyà te zapit te egkekewanan te mekeg̵eg̵ehem he Megbevayà diyà te langit.