Juan 11:55 - Manobo Western Bukidnon

⁵⁵ Meg̵aan en dutun is pista te menge Hudiyu he egngezanan te Kedlevayi, ne te wazè pa meuma haazà is pista, ne mezakel he menge etew is nemenekezeg diyà te Hiruselim he ebpemuun te menge zuma he inged su edtumanen dan is tuluuwen te menge Hudiyu te kebpelumpiyu.

Juan 11:55 Cross References

Mateo 26:1

Ne hein nepasad ni Jesus haazà is kebpenurù din dutun te langun, migkag̵i sikandin diyà te menge sumusundan din te,

Mateo 26:2

“Netuenan niw he mekezuwa zà guntaan ne egketuman en sikan is pista he egngezanan te Pista te Kedlevayi. Ne zutun, siak is Kakey te Menusiyà, ibpalad a ziyà te menge etew wey e zan ikeransang te krus,” ke sikandin.

Marcos 14:1

Mekezuwa pa zutun, egketuman is Pista te Kedlevayi wey Pista te Kegkeena te Supas he Wazè Din Tapey. Is menge punuan he memumuhat wey is menge menunudlù te kesug̵uan, ebpengahaan dan is paag̵i wey zan mezakep si Jesus he kenà egketuenan te mezakel he menge etew wey mehimetayi.

Lucas 22:1

Ne meg̵aan en dutun egketuman is pista te kegkeena te supas he wazè din tapey he egngezanan te Pista te Kedlevayi.

Juan 12:1

Mekeenem pa zutun is Pista te Kedlevayi, ne nekeuma si Jesus diyà te Bitanya he inged ni Lazaro, kes mibanhew ni Jesus.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Juan 2:13

Meg̵aan en dutun edtumana te menge Hudiyu ziyà te inged he Hiruselim is Pista te Kedlevayi. Ne tenged kayi midhendiyà ensi Jesus te Hiruselim.

Juan 2:6

Sumalà te tuluuwen te menge Hudiyu, kinahanglan he zuen wahig he ibpenlùlù te kenè dan pa egkaan. Ne tenged kayi zuen neteg̵ana zutun he heenem he umuy he vatu. Egketeg̵uan is kada sevaha zutun te menge nenggatus he litru he wahig.

Juan 5:1

Neiwas heini, duen pista te menge Hudiyu; ne tenged kayi midhendiyè en maan si Jesus te Hiruselim.

Juan 6:4

Egkesipeg̵an dutun is andew he edsilibrahan te menge Hudiyu is pista he egngezanan te Kedlevayi.

Nengeulaula 21:24

Duma ka kandan diyà te simbahan he Valey te Megbevayà, ne tampu ka te ed-ul-ulahan kandan sumalà is betasan te kegkelumpiyuwi kandan. Iyan ka vayad te ebpeveyazan kandan ne human dan ebpekepevangul. Emun edtumanen nu heini, egketuenan te langun he kenà benar is tudtul he nezineg dan mehitenged kenikew, su egkekeleduwan dan he mibentayan nu is imbilinbilin he kesug̵uan ni Moises.

Nengeulaula 21:26

Ne hein nepawà dutun miduma ni Pablo haazà is menge maama ne midtampu sikandin dutun te kedtumana zan te vetasan te kebpenlumpiyu. Ne midseled si Pablo ziyà te Valey te Megbevayà wey zin ikepesavut ke pira pa he andew ne human egketapus is kegkelumpiyuwi kandan su emun egketapus haazà ne zuen pemuhat te kada sevaha kandan.

Nengeulaula 24:18

Ne zutun te ed-ul-ulahan ku en heini, neehè e zan diyà te simbahan he Valey te Megbevayà dutun te nepasad ku en is betasan dey te kegkelumpiyuwi. Wazà mezakel he etew he zuma ku; ne wazà daan edsinamuk.

1 Kurintu 11:28

Ne tenged dutun kinahanglan he susiya te kada sevaha is kandin he g̵ehinawa ke tutuu ve is kedsarig din te kebpatey ni Jesus ne human egkehimu he egkaan wey ed-inum sikandin.

Santiago 4:8

Aput kew ziyà te Megbevayà ne ed-uvayan kew zin. Sikiyu is mekesesalà, engkezi niw is menge ulaula niw he mezaat. Sikiyu is uvag dà is kedtuu zan, pelumpiyuwi niw te Megbevayà is isip niw wey g̵ehinawa niw.