Juan 11:54 - Manobo Western Bukidnon

⁵⁴ Ne tenged dutun wazè en maan si Jesus mebpeg̵awag̵awa zutun te menge inged te menge Hudiyu, kekenà, midhendiyà te inged he egngezanan te Ipraim he uvey te tanà he kenà ed-ubpaan te etew. Ne zutun sikandin med-ubpà duma te menge sumusundan din.

Juan 11:54 Cross References

Juan 10:40

Ne mid-awà si Jesus dutun te Hiruselim, ne midrapas te wahig he Hurdan ne midhendiyà te tanà he zutun mebpemewtismu si Juan Megbebewtismu zengan. Ne zutun med-ubpà si Jesus.

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 7:10

Ne hein migenat en haazà is menge hazi zin he ebpemenelavuk dutun te pista, midtelukun si Jesus, asal wazà mebpekiduma te mezakel he menge etew su kenè din egkesuatan he metueni.

Juan 7:13

Ne g̵eina te egkengehandek is menge etew te menge egalen dan te menge Hudiyu, kenè dan ibpezineg te zuma pa he etew haazà is menge lalag dan.

Juan 7:4

Su ke zuen etew he egkesuat he egkevantug, kenà egkehimu he id-eles din is menge vaal zin. Su emun egkehimu nu is menge egkein-inuwan, deyzey ke ibpeehè nu ziyà te langun.”