Juan 11:53 - Manobo Western Bukidnon

⁵³ Ne puun dutun he andew, ebpengahaan te menge punuan is paag̵i wey zan mehimetayi si Jesus.

Juan 11:53 Cross References

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 22:46

Ne wazà neketavak ki Jesus dutun te minsan hengkey he menge insè din, ne puunè dà dutun wazè en maan nekeaku he ebpenginginsè pa maan kandin.

Mateo 26:4

su ebpengahaan dan is paag̵i wey zan mezakep si Jesus he kenà egketuenan te mezakel he menge etew.

Mateo 26:59

Ne is menge punuan te memumuhat wey is langun he nengetig̵um he ebmeg̵urangen te menge Hudiyu, ebpen-ehè dan te salà he id-ulug dan ki Jesus su wey zan mehimetayi.

Marcos 14:1

Mekezuwa pa zutun, egketuman is Pista te Kedlevayi wey Pista te Kegkeena te Supas he Wazè Din Tapey. Is menge punuan he memumuhat wey is menge menunudlù te kesug̵uan, ebpengahaan dan is paag̵i wey zan mezakep si Jesus he kenà egketuenan te mezakel he menge etew wey mehimetayi.

Marcos 3:6

Ne is menge Perisiyu, nemen-awè dan dutun te simbahan. Ne sikandan wey is menge sakup te upakat he midtukud ni Hadì Hirudis, mibpelelelag̵è dan ke hengkey is paag̵i he mehimu zan he mepatey si Jesus.

Juan 11:47

Ne zutun midtig̵um te menge punuan he memumuhat wey menge Perisiyu is menge ebmeg̵urangen te menge Hudiyu. Ne hein netig̵um dan en, migkag̵i zan te, “Ebmenumenu kiw su heini si Jesus, mezakel is menge egkein-inuwan he ebeelan din.

Juan 12:10

Ne tenged kayi neisip te menge punuan he menge memumuhat he edhimetayan dan daan si Lazaro

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Nengeulaula 5:33

Ne hein nezineg heini te menge punuan, utew zan nengepauk ne ed-isipen dan en edhimetayi is menge epustul.

Nengeulaula 9:23

Ne wazà dutun utew meug̵et, mid-uyun is menge Hudiyu he edhimetayan dan si Seulu,