Juan 11:50 - Manobo Western Bukidnon

⁵⁰ Wazè niw ves mesavut he kinahanglan he zuen sevaha zà he etew he ebpatey he elili te tivuuk he kehudiyuwan su wey kenà mezeeti is kebpekesavuk tew te menge Hudiyu,” ke sikandin.

Juan 11:50 Cross References

Mateo 5:29

Ne emun iyan nu igkepenulayi is kewanan he mata nu, lug̵ita nu wey itimbag! Meupiya pa ke wazè nu mata, kenà ke igkeagbur ka ziyà te hapuy he Impirnu is tivuuk he lawa nu.

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Juan 11:48

Emun ebpesegdanen tew, edtuuwan te langun he menge etew he iyan sikandin sikan is mibpilì te Megbevayà he ibpahadì. Ne emun iyan en heini vag̵ad, ebeyaan kiw te menge sundaru te hadì tew ziyà te Ruma, ne edèdeetan dan is simbahan tew he Valey te Megbevayà wey is gubirnu tew.”

Juan 18:14

Iyan si Keyipas kes midsambag te menge Hudiyu he kinahanglan he ebpatey is sevaha he etew he elili te tivuuk he kehudiyuwan.

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”

Ruma 3:8

Ne zuen menge etew he egkag̵i he iring kayi is ibpenurù ku, iyan, kenè ku edewaten is menge ketezengan he iring kayi su ibpesavut dan he meupiya is ked-ulaula te mezaat emun pinaag̵i zutun egkehimu is meupiya. Is menge etew he iring kayi is ibpenurù dan, utew metazeng is kedsiluti kandan te Megbevayà.