Juan 11:37 - Manobo Western Bukidnon

³⁷ Iyan, duen dutun menge etew he migkag̵i te, “Maan is wazè din bewii si Lazaro wey kenà mebpatey? Su emun nevewian din is mata te lakap siguradu egkehimu zin daan heini.”

Juan 11:37 Cross References

Marcos 15:32

Sikew is uvag Kristu he hadì dey te menge Hudiyu, penaug ke en keniyan te krus ne edtuuwan dey sikew!” Ne sikan daan is dezuwa he inransang diyà te pesikilizè din, ne midsumpalit dan daan kandin.

Lucas 23:35

Ne is menge etew, ne ebpemenhitindeg dan dutun he ebantey; ne is menge punuan te menge Hudiyu, ne ed-undaunda kandin, ke sikandan te, “Wey zè be! Nelibri zin is duma; ne emun tutuu he iyan sikandin sikan is hadì he mibpilì te Megbevayà, ed-ahaan ta ke egkelibri zin is keugelingen din.”

Lucas 23:39

Ne is sevaha zutun te zezuwa he tulisan he inransang diyà te pesikilizà ni Jesus, ne edsumpalit en daan kandin. Ke sikandin te, “Emun tutuu iyan he iyan ka sikan is hadì he mibpilì te Megbevayà ne hante kun be iyan, libriya nu is lawa nu keniyan ne libriya key zaan kenikew.”

Juan 11:21

Migkag̵i si Marta ziyà te ki Jesus te, “Angin ke zini ka su kenà pezem ebpatey kes meemahan ku.

Juan 11:32

Hein nekeuma si Maria ziyà te ki Jesus, mid-uvey ziyà te kandin ne midluhud. Ne ke sikandin te, “Angin ke zini ka pezem su kenà ebpatey kes meemahan ku.”