Juan 11:36 - Manobo Western Bukidnon

³⁶ Umba, migkag̵i is menge Hudiyu te, “Utew mahal ziyà te g̵ehinawa ni Jesus si Lazaro.”

Juan 11:36 Cross References

Juan 11:19

Mezakel is menge Hudiyu he midhendutun te ki Marta wey ki Maria su edlangan dan kandan tenged dutun te meemahan dan he minatey.

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Ipisu 5:25

Sikiyu is menge maama, kinahanglan he mahala niw ziyà te g̵ehinawa niw is esawa niw iring te mahal kiw is menge tumutuu ziyà te g̵ehinawa ni Kristu. Egketuenan tew heini su mibpehimatey sikandin he elili kenitew wey kiw zin melibri te silut,

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.