Juan 11:28 - Manobo Western Bukidnon

²⁸ Ne te nekag̵i ni Marta haazà, mibeyaan din sikan is suled din he si Maria ne midnèneesan din te, “Nekeuma en si Jesus ne ibpehendiyè ke zin.”

Juan 11:28 Cross References

Mateo 26:18

Ne zutun migkag̵i si Jesus he medhendiyè dan te inged, diyà te etew he zaan he migkag̵i zin kandan ne keg̵iyi zan haazà is etew he egkag̵i is menunudlù tew te, “Meg̵aan en is kebpatey ku; dini key edlavung te menge sumusundan ku su Pista te Kedlevayi heini.”

Marcos 10:49

Ne zutun te kegkezineg̵a ni Jesus kayi te ebpengumew, midteren sikandin ne migkag̵i te, “Ipehendini niw heeyan is etew.” Ne zutun migkeg̵iyan te menge etew haazà is lakap te, “Na, hitindeg kad su ibpehendiyè ke zin.”

Marcos 14:14

Tundug kew kandin pehendiyà te valey he edselezan din, ne keg̵iyi niw is teg̵ig̵aked dutun te valey te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’

Lucas 22:11

Ne keg̵iyi niw,” ke si Jesus, “is teg̵ig̵aked dutun te valey, ke sikiyu te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’ ”

Juan 1:41

Ne si Andres, segugunè din mibpen-ahà is suled din he si Simon. “Neehè dey sikan is Misiyas,” ke sikandin. (Ne iyan kehulug̵an kayi te ngazan he Misiyas is Kristu, he ke và dà egkeg̵iya, mibpilì te Megbevayà he ibpahadì.)

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 10:3

Emun edseled sikandin, ebpuwasan te ebantey zutun te g̵emawan. Ne is menge kerehidu zin he ziyà te seled, egkekilala zan is lag̵eng din ne ed-umawen din sikandan pinaag̵i te menge ngazan dan, ne ibpeg̵uwè din sikandan.

Juan 11:20

Ne hein nezineg ni Marta he ebpekeuma en si Jesus, midtelavuk din, ne si Maria, diyè pa sikandin te valey.

Juan 11:29

Ne hein nezineg ni Maria haazà, neketik-ew sikandin mekehitindeg ne midsinug̵ung ki Jesus.

Juan 11:30

Ne wazè pa si Jesus mekeuma ziyà te inged su zutun pa sikandin te nesinug̵ungan kandin ni Marta.

Juan 13:13

Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Juan 20:16

Ne zutun migkag̵i si Jesus te, “Maria!” Ne mid-etuvang si Maria ne te kineg̵iyan he Hibriyuhanen migkeg̵iyan din si Jesus te, “Rebuni!” he ke và dà kenitew, “Menunudlù.”

Juan 21:7

Ne sikan is sumusundan he mahal ziyà te g̵ehinawa ni Jesus, migkag̵i sikandin diyà te ki Pedro te, “Iyan heeyan sikan is Nengazen tew.” Ne hein netuenan ni Pedro he iyan si Jesus haazà, insun-ud din is kumbalè din he midluwas din, ne mid-umpak diyà te wahig, ne midhendiyà te veyvey.

1 Tiselunika 5:11

Ne g̵eina te netuenan niw en heini peliplipayè kew ne lig-eni niw is kedtuu te uman sevaha keniyu, iring te neveelan niw en.

Hibriyuhanen 12:12

Umba, menge suled, heg̵eta niw is kedsarig niw, ne hemeni niw en is kedtuu niw.