Juan 11:21 - Manobo Western Bukidnon

²¹ Migkag̵i si Marta ziyà te ki Jesus te, “Angin ke zini ka su kenà pezem ebpatey kes meemahan ku.

Juan 11:21 Cross References

Mateo 9:18

Ne te kemulu pa zutun egkag̵ikag̵i si Jesus, duen nekeuma he sevaha he pengulu te menge Hudiyu. Ne zutun midluhud sikandin diyà te etuvangan ni Jesus ne midhangyù he ke sikandin te, “Minatey g̵eina is anak ku he vahi, iyan, emun ebayaan nu ne edepenetan nu te velad nu ne egkevanhew sikandin.”

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

Juan 11:32

Hein nekeuma si Maria ziyà te ki Jesus, mid-uvey ziyà te kandin ne midluhud. Ne ke sikandin te, “Angin ke zini ka pezem su kenà ebpatey kes meemahan ku.”

Juan 11:37

Iyan, duen dutun menge etew he migkag̵i te, “Maan is wazè din bewii si Lazaro wey kenà mebpatey? Su emun nevewian din is mata te lakap siguradu egkehimu zin daan heini.”