Juan 11:19 - Manobo Western Bukidnon

¹⁹ Mezakel is menge Hudiyu he midhendutun te ki Marta wey ki Maria su edlangan dan kandan tenged dutun te meemahan dan he minatey.

Juan 11:19 Cross References

Lucas 10:39

Ne zuen dutun hazi ni Marta he egngezanan ki Maria. Ne mibpinuu si Maria ziyà te uvey ni Jesus su ebpurung ebpemineg te menge penurù ni Jesus.

Lucas 10:42

Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 11:1

Duen maama he nezeruwan. Is ngazan din si Lazaro he tigBitanya. Duen dezuwa he etevey zin he zutun daan ed-ubpà te Bitanya, si Maria wey si Marta.

Juan 11:31

Ne is menge Hudiyu he edlangan kandan, diyè pa sikandan te valey he zuma ni Maria. Ne hein neehè dan si Maria is neketik-ew mekehitindeg he midlawang, midtelukun dan su kunaan dan ke edhendiyà te penlevengà su edsineg̵ew zutun.

Juan 11:33

Ne hein naahà ni Jesus he edsineg̵ew si Maria wey is menge Hudiyu he zuma zin, utew mibmezaat is gehinawa zin su neseeng.

Juan 11:36

Umba, migkag̵i is menge Hudiyu te, “Utew mahal ziyà te g̵ehinawa ni Jesus si Lazaro.”

Juan 11:45

Ne haazà is menge Hudiyu zutun he miduma ki Maria, hein neehè dan haazà is mibeelan ni Jesus, mezakel kandan is midtuu ki Jesus.

Juan 11:8

Ne migkeg̵iyan sikandin te menge sumusundan din te, “Menunudlù, deyzey ke kenè ka edlikù diyà te Hudiya su wazè pa mepirai he edhimetayan ka pezem te menge Hudiyu.”

Ruma 12:15

Ke zuen etew he zuen din igkelipey, melipey kew zaan tenged dutun te kelipey zin. Ne ke zuen etew he zuen igkeseeng din, keseeng kew zaan tenged dutun te igkeseeng din.

2 Kurintu 1:4

Edtevangan kiw zin te langun he menge seeng tew ne tenged kayi ebpeketavang kiw zaan te zuma he etew he zuen din minsan hengkey he seeng. Is idtavang tew kayi, ne iyan ded is intavang kenitew te Megbevayà.

1 Tiselunika 4:18

Umba ipedlilipayè niw heini is egkeg̵iyen ku.

1 Tiselunika 5:11

Ne g̵eina te netuenan niw en heini peliplipayè kew ne lig-eni niw is kedtuu te uman sevaha keniyu, iring te neveelan niw en.