Juan 10:33 - Manobo Western Bukidnon

³³ Ne midtavak diyà te kandin haazà is menge Hudiyu te, “Kenà iyan dey idtulenga kenikew is meupiya he vaal, kekenà, geina te edsupaken nu is Megbevayà su maan is egkag̵i ka he Megbevayà ka te etew ke zà duen!”

Juan 10:33 Cross References

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 10:30

Sevaha key zà, siak wey is Amey ku he Megbevayà.”

Juan 10:32

Ne migkag̵i ziyà te kandan si Jesus te, “Mezakel is impeehè ku keniyu he menge meupiya he vaal he insug̵ù kedì te Amey ku he Megbevayà. Hendei zapit kayi te menge vaal ku is idtulenga niw kediey?”

Juan 19:7

Ne migkag̵i ziyà te kandin haazà is menge Hudiyu te, “Sumalà te kesug̵uan dey, kinahanglan he edhimetayan heini he etew su midsupak din is kesug̵uan su migkag̵i zin he iyan sikandin sikan is Anak te Megbevayà.”

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Ruma 13:1

Ne kinahanglan he edtuman kiw te velaud te gubirnu is minsan hentei kenitew. Su wazà ebpemunuan te inged he wazà itug̵ut te Megbevayà he mekepemunuan wey wazà gubirnu he wazà tukuza te Megbevayà.

Pilipus 2:6

Su minsan ke kenà egkeawà diyà te kandin is kegkemegbevayè din wazè din isipa he kenè din ed-ewaan is kebpekesavuk din te zekelà is keg̵ehem din he Megbevayà,