Juan 10:31 - Manobo Western Bukidnon

³¹ Ne hein nezineg haazà te menge Hudiyu mibpengamì dan en maan te menge vatu he idtuleng dan kandin su edhimetayan dan pezem.

Juan 10:31 Cross References

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Mateo 21:35

Ne hein nemekeuma haazà is menge sulug̵uen din, mibpemug̵el zutun te impemeelima zin te perasan is sevaha zutun. Ne is sevaha, midhimetayan dan, ne is sevaha pa zutun, midtuleng dan te vatu.

Mateo 23:35

Tenged kayi, iyan kew edsilutan te kebpemunua te langun he menge metazeng he nevunù puunè dà dutun te kedhimetayi ki Abel he metazeng he etew zengan, taman te kedhimetayi te anak ni Berekiyas he si Zacarias he mibunù niw ziyà te pid-elangan te Valey te Megbevayà wey vangkù he pemuhatà.

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 10:32

Ne migkag̵i ziyà te kandan si Jesus te, “Mezakel is impeehè ku keniyu he menge meupiya he vaal he insug̵ù kedì te Amey ku he Megbevayà. Hendei zapit kayi te menge vaal ku is idtulenga niw kediey?”

Juan 11:8

Ne migkeg̵iyan sikandin te menge sumusundan din te, “Menunudlù, deyzey ke kenè ka edlikù diyà te Hudiya su wazè pa mepirai he edhimetayan ka pezem te menge Hudiyu.”

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.