Juan 10:17 - Manobo Western Bukidnon

¹⁷ Umba utew a mahal ziyà te g̵ehinawa te Amey ku he Megbevayà su ebpehimatey a he elili te menge g̵aked ku he etew ne ebenhawen e zin.

Juan 10:17 Cross References

Juan 10:11

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Juan 10:18

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

Juan 3:25

Ne zutun duen menge sumusundan ni Juan he ebpekidlewanà te sevaha he etew he Hudiyu. Iyan edlewenaan dan is tuluuwen dan te menge Hudiyu te kebpemewtismu.

Hibriyuhanen 1:9

Iyan egkesuatan nu is metazeng he ulaula ne igkeepes nu is mezaat he ulaula. Tenged kayi, siak is Megbevayà nu, midhimu ku sikew he lavew te menge zuma nu ne imbeg̵ey ku kenikew is utew zekelà he kelipey.”

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.