Juan 10:1 - Manobo Western Bukidnon

¹ Ne impenurù ni Jesus is sempità, ke sikandin te, “Utew venar is egkeg̵iyen ku he ke zuen etew he edseled te tudil te menge kerehidu ne kenà diyà ebayà te g̵emawan su ziyà ebayà te selakew en he ibayà, ne haazà he etew, tekawen wey tulisan.

Juan 10:1 Cross References

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Juan 10:7

Umba, migkag̵i en maan diyà te kandan te, “Utew venar is egkeg̵iyen ku keniyu he iring a te g̵emawan te tudil te menge kerehidu.

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

Tito 1:11

Kinahanglan he ibpeengkezan nu kandan is kebpenurù dan su ke zuen sevaha he egketazin is isip din pinaag̵i te kedtuuwi zin kayi he penurù egkesemukan is kebpekid-upakat din te menge zuma zin dutun te pemilya zin. Iyan dà ibpenurua zan dutun te kenà hustu he ibpenurù is wey zan mekepenapì.

Hibriyuhanen 5:4

Utew telehuzen is lavew he memumuhat, iyan, wazà minsan hentei he ebpekehimu he ebpilì te keugelingen din wey mehimu sikandin he lavew he memumuhat su iyan ebpilì kandin is Megbevayà iring te mibpilì din dengan si Arun.

1 Pedro 1:10

Is ebpemeneuven dengan te Megbevayà, mibpurungan dan istudyuwi is kedlibriya zin kenita te silut wey netagnè dan heini is kedtuvazi zin kenita.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.