Juan 1:6 - Manobo Western Bukidnon

⁶ Duen etew he migngezanan ki Juan he midsug̵ù te Megbevayà. Umba midsug̵ù heini si Juan te Megbevayà

Juan 1:6 Cross References

Mateo 11:10

su pinaag̵i ki Juan netuman en kes netagnà diyà te insurat he Lalag te Megbevayà su migkag̵i zutun is Megbevayà te, ‘Iyan heini kes etew he edsug̵uen ku. Ibpehuna ku sikandin kenikew wey zin mehig̵ewani is ibayè nu.’ ”

Mateo 21:25

Hentei is mibeg̵ey ki Juan Megbebewtismu te ketenged din te kebpemewtismu? Megbevayà be wey ke etew zà?” Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ed-insà sikandin ke maan is wazè tew tuuwi si Juan.

Lucas 1:13

Ne zutun migkag̵i kandin haazà is belinsug̵uen te, “Kenè ka mahandek, Zacarias, su nezineg te Megbevayà is ked-ampù nu ne edhimuwen din he meg̵ingey nu is esawa nu he si Elisabet ne ed-anak si Elisabet te maama ne iyan nu ingazan kandin si Juan.

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Juan 1:33

Ne hein aney zutun,” ke si Juan, “wazè ku pa metueni he iyan sikandin kes netagnà he hadì, iyan, sikan is Megbevayà he iyan midsug̵ù kedì wey a mekepemewtismu pinaag̵i te wahig, migkag̵i kedì he zaan te, ‘Emun egkeehè nu is etew he edtenaan wey kenà ed-ewaan te Wag̵as he Mulin-ulin, iyan en etew he ibpemewtismu zin is Wag̵as he Mulin-ulin.’

Juan 3:28

Iyan kew ebpeketistig̵us he migkag̵i ku he kenà a iyan sikan is mibpilì te Megbevayà wey mekehadì, kekenà, midsug̵ù a te Megbevayà wey a mehuna mekeuma, ne human sikan is hadì.

Nengeulaula 13:24

Ne zutun te wazè pa mebpuun mebpenurù si Jesus, impesavut ni Juan Megbebewtismu ziyà te langun he menge kevuwazan ni Israyil he kinahanglan he mebpebewtismu zan he tuus te mid-iniyug̵an dan is memezaat he ulaula.