Juan 1:11 - Manobo Western Bukidnon

¹¹ Minsan te ziyà sikandin mekeuma te keugelingen din he menge inged, wazà utew zutun te menge zuma zin midawat kandin.

Juan 1:11 Cross References

Mateo 15:24

Ne zutun migkeg̵iyan ni Jesus haazà is bahi te, “Midsug̵ù a te Megbevayà he iyan dà ibpetevangan kedì is kevuwazan ni Israyil he nengetazin iring te kerehidu.”

Lucas 19:14

Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Juan 1:10

Ne nekeuma si Kristu zini te kelibutan. Pinaag̵i kandin midlimbag is kelibutan, iyan, wazà sikandin mekilala te menusiyà.

Juan 1:12

Asal is minsan hentei he nekezawat wey midtuu kandin, mibeg̵ayan din sikandan te ketenged wey zan mehimu he menge anak te Megbevayà.

Juan 19:27

Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Juan 3:32

Egkeg̵iyen din is neehè din wey nezineg din diyà te langit, iyan, mezelag duen ebpekezawat te egkeg̵iyen din.

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

Nengeulaula 13:46

Ne minsan pa zutun wazà mahandek si Pablo wey si Bernabe su ke sikandan dutun te menge Hudiyu te, “Kinahanglan he edhunaan dey sikiyu is menge Hudiyu edtudtuli te ibpesavut te Megbevayà, iyan, geina te kenè niw edewaten, ibpeehè niw he kenè kew zait he ebeg̵ayan te untung he wazà pidtemanan. Ne tenged dutun kenè dey en maan ibpesavut is Meupiya he Tudtulanen diyan te keniyu, kekenà, edhendiyè key te kenà menge Hudiyu.

Nengeulaula 21:6

Ne zutun mibpepempemezeey key ne mid-untud key en maan te barku ne sikandan mulà, midlikù dan diyà te inged.

Ruma 15:8

Benar is egkeg̵iyen ku he si Kristu, nehimu sikandin he iring te sulug̵uen te menge Hudiyu su wey zin ikepaahà kandan he tutuu iyan he edtumanen te Megbevayà is menge penaad din dengan diyà te menge kepuun dan.

Ruma 9:1

Duen egkeg̵iyen ku keniyu ne kenà tarù heini su sumusundan a ni Kristu. Ne netuenan ku zaan he kenà tarù heini su iyan ed-uwit te isip ku is Wag̵as he Mulin-ulin.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,